نائیجریا میں دو بسوں کے درمیان بھیانک ٹکر، 37 افراد ہلاک

Source: S.O. News Service | Published on 23rd November 2022, 1:05 PM | عالمی خبریں |

ابوجا، 23؍نومبر (ایس او نیوز؍ایجنسی)  شمال مشرقی نائجیریا کے بورنو شہر میں دو بسوں کی بھیانک ٹکر میں کم از کم 37 افراد جاں بحق ہو گئے،  بورنو کے ٹریفک پولیس افسر  کے حوالے سے دی گئی ذرائع کی اطلاع کے مطابق  بورنو میں فیڈرل روڈ سیفٹی کور کے سیکٹر کمانڈر یوٹانبوئی نے منگل کی دیر رات یہاں نامہ نگاروں کو بتایا کہ دو بسوں میں مائدوگوڑی-داماتورو روڈ پر آمنے سامنے دو بسوں کی ٹکر کے بعد بس کو آگ لگ گئی۔

ذرائع کے مطابق حادثے کے لیے بس ڈرائیوروں کو ذمہ دار ٹھہرایا گیا ہے جو تیز رفتاری سے ڈرائیونگ کر رہے تھے۔ میڈیا رپورٹوں کے مطابق   دونوں بسیں مخالف سمتوں میں جا رہی تھیں لیکن ان میں سے ایک نے اپنا کنٹرول کھو دیا۔ جس کی وجہ سے دونوں بسیں آپس میں ٹکرا گئیں۔

اطلاع کے مطابق  حادثے میں تمام مہلوکین کی اجتماعی تدفین آج کی جائے گی کیونکہ پولیس کو پہلے ہی اس سلسلے میں عدالتی حکم مل چکا ہے۔ واضح رہے کہ نائجیریا میں اس طرح کے خوفناک سڑک حادثات اکثر ہوتے رہتے ہیں۔ جس کی بنیادی وجہ گاڑیوں کی تیز رفتاری، اوور لوڈنگ، خراب سڑکیں اور ڈرائیور کی لاپرواہی کو سمجھا جاتا ہے۔

ایک نظر اس پر بھی

تقریباً 490 ملین صارفین کا واٹس ایپ نمبر اور ڈیٹا لیک

سائبر نیوز نے رپورٹ کیا کہ تقریباً 48.7 ملین صارفین کے واٹس ایپ فون نمبرز چوری کر لیے گئے ہیں اور ایک "معروف" ہیکنگ کمیونٹی فورم پر فروخت کے لیے دستیاب کرائے گئے ہیں۔ رپورٹ کے مطابق لیک ہونے والے ڈیٹا سیٹ میں مبینہ طور پر 84 ممالک کے واٹس ایپ صارفین کا ڈیٹا موجود ہے۔

ٹوئٹر پر اب ’بلو‘ کے علاوہ ’گرے‘ اور ’گولڈ‘ ٹک بھی دکھائی دے گا، ایلن مسک کے ٹوئٹ سے انکشاف

سوشل میڈیا پلیٹ فارم ٹوئٹر ان دنوں کئی طرح کی تبدیلیوں سے گزر رہا ہے۔ ٹوئٹر کے نئے سی ای او ایلن مسک نہ صرف اس پلیٹ فارم کو ایک نئی شکل دینے کی راہ پر گامزن ہیں، بلکہ انتظامی سطح پر بھی بڑی تبدیلیاں کر رہے ہیں۔