بی ایچ یومیں طالبات پر لاٹھی چارج ، کشیدگی برقرار ، وارانسی کے تمام ڈگری کالج اور تعلیم ادارے بند
وارانسی24ستمبر(ایس او نیوز؍آئی این ایس انڈیا) بنارس ہندویونیورسٹی (بی ایچ یو) میں تشددکے واقعات کے بعد پیداشدہ کشیدگی کے پیش نظر کل مہاتما گاندھی کاشی ودیاپیٹھ اور سپورنانندسنسکرت یونیورسٹی اور ان سے منسلک ضلع کے تمام کالج اور تعلیم ادارے بند رہیں گے۔سرکاری ذرائع نے آج کہا کہ ڈویڑنل کمشنر نتن رمیش گوکرن نے بی ایچ او کیمپس کا دورہ کیا اور آج کی صورت حال کا جائزہ لیا۔ کمشنر نے وائس چانسلر پروفیسر گریش چندرترپاٹھی اور کچھ تحریک چلانے والے طلباء سے بھی ملاقات کرکے ان کا موقف سمجھا۔ یونیورسٹی کے دورے کے دوران مسٹر گوکرن کے ساتھ یوگیشور رام مشر، سینئر پولیس سپرنٹنڈنٹ ڈاکٹر آر کے بھاردواج سمیت کئی اعلی افسران موجود تھے۔ اعلی افسران کے ساتھ بات چیت کے بعد ضلع مجسٹریٹ مسٹر مشرا نے دونون بڑی یونیورسٹیوں کو بند رکھنے کاحکم جاری کیا۔دریں اثنا بی ایچ یو انتظامیہ نے کل شیڈول کے مطابق تین روز قبل دشہرہ کی تعطیل کا اعلان کیا ہے۔انفارمیشن اینڈ پبلک ریلیشنز آفیسر ڈاکٹر راجیش سنگھ نے یونیورسٹی کے ہوسٹل خالی کرائے جانے کی خبروں کو گمراہ کن بتایاہے۔ انہوں نے کہا کہ آج دیر شام تک یونیورسٹی انتظامیہ نے ہاسٹل خالی کرانے سے متعلق کوئی فیصلہ نہیں کیا ہے۔ یونیورسٹی میں ’مڈسیمسٹر بریک‘ 28 ستمبرکے بجائے 25 ستمبر کو شروع ہو گا۔ اس دوران تعلیمی کام ملتوی رہیں گے۔ انہوں نے واضح کیا کہ یونیورسٹی انتظامیہ نیاس بارے میں آج فیصلہ کیا ہے۔