ٹینس اسٹار ماریا شارا پووا نے ریٹائرمنٹ کا اعلان کیا

Source: S.O. News Service | Published on 28th February 2020, 1:04 AM | اسپورٹس |

لندن،27/فروری (ایس او نیوز) روس کی سرکردہ ٹینس اسٹار ماریا شاراپووا نے مسلسل انجری کی وجہ سے ٹینس کو خیرباد کہہ دیا ہے۔ انہوں نے اپنی ریٹائرمنٹ کا اعلان فیشن میگزین ’ووگ‘ اور ’وینیٹی فیئر‘ میں لکھےگئے مضامین میں کیا۔ شاراپووا پانچ گرینڈ سلیم ٹورنامنٹ جیتنے میں کامیاب رہیں۔ وہ مختلف اوقات میں مجموعی طور پر 17 ہفتوں تک عالمی نمبر ایک بھی رہی تھیں۔ ان کو سال 2016 میں ممنوعہ دوا استعمال کرنے پر 15 مہینے کی پابندی کا بھی سامنا کرنا پڑا۔ اس پابندی کے ختم ہونے کے بعد وہ پوری طرح کھیل میں واپس آنے کی جد وجہد تو کرتی رہیں لیکن کوئی بڑی کارکردگی دکھانے سے قاصر رہیں۔

ماریا شاراپووا کی ریٹائرمنٹ کے اعلان کے بعد ہی ان کے ساتھی کھلاڑیوں نے انہیں بھرپور انداز میں خراج تحسین پیش کرتے ہوئے انہیں لیجنڈ اور گریٹ چمپئن کے الفاظ سے نوازا۔ سربیا سے تعلق رکھنے والے مشہور کھلاڑی نوواک جوکووچ نے انہیں ٹینس کی ایک اسمارٹ کھلاڑی قرار دیتے ہوئے کہا کہ وہ ذہنی طور پر چمپئن بننےکی سوچ رکھتی تھیں اور یہ انہوں نے عملی طور پر بھی ثابت کیا۔ مختلف انجری کی وجہ سےگزشتہ دو تین برسوں میں روسی کھلاڑی کے کھیل میں گراوٹ پیدا ہونا شروع ہو گئی اور بتدریج اُن کی عالمی پوزیشن میں کمی آتی گئی۔ وہ ریٹائرمنٹ پرجانے سے قبل 373ویں پوزیشن پر تھیں۔ رواں برس کے پہلے گرینڈ سلیم ٹورنامنٹ آسٹریلین اوپن میں بھی وہ بہتر کارکردگی دکھانے سے محروم رہی تھیں۔ رواں برس کے دوران ٹینس کو خیربادکہنے والی وہ دوسری عالمی نمبر ایک ہیں۔

قبل ازیں کیرولین ووزنیاکی بھی انجری کی وجہ سے ریٹائرمنٹ کا اعلان کر چکی ہیں۔ ماریا شارا پوووا کو ٹینس کھیل میں شہرت اُس وقت حاصل ہوئی جب سال 2004 میں 17 برس کی عمر میں انہوں نے لندن میں کھیلا جانے والا گرینڈ سلیم ٹورنامنٹ ومبلڈن جیتا تھا۔ وہ سال 2005 میں 18 برس کی عمرمیں عالمی نمبر ایک بن گئیں۔ اسی سال وہ یو ایس اوپن بھی جیتنےمیں کامیاب رہی تھیں۔ سال 2012 میں وہ ایک ہی وقت میں چاروں گرینڈ سلیم ٹورنامنٹ جیتے والی کھلاڑی بن گئی تھیں۔ روسی علاقے سائبیریا میں پیدا ہونے والی شاراپووا نے 4 برس کی عمر میں ٹینس کا ریکٹ پکڑکر سوچی شہر میں کھیلنےکی ابتداء کی تھی۔ اُن کے والدین چرنوبیل جوہری حادثے کے بعد نقل مکانی کرکےسوچی شہر میں آباد ہوئے تھے۔

ایک نظر اس پر بھی

ہندوستان نے برسبین میں سیریزجیت کر تاریخ رقم کی

نوجوان سلامی بلے باز شبمن گل (91)، چیتیشور پجارا (56) اور باصلاحیت وکٹ کیپر بلے باز رشبھ پنت (ناٹ آؤٹ) کی بہترین بلے بازی کی بدولت ہندوستان نے آسٹریلیا کو برسبن کے گابا میدان میں منگل کے روز کھیلے گئے چوتھے اور آخری کرکٹ ٹیسٹ میچ کے پانچویں دن تین وکٹوں سے شکست دے کر نئی تاریخ ...

سورو گنگولی کی حالت مستحکم ، گورنر اور سی ایم ممتا بنرجی سمیت متعددلیڈران پہونچے

بی سی سی آئی کے صدر سورو گنگولی کی صحت اب مستحکم ہے۔ مغربی بنگال کے گورنر جگدیپ دھنکھڑ اوروزیراعلیٰ ممتا بنرجی سمیت متعدد وزراء اورٹی ایم سی اوربی جے پی کے لیڈران ان کی حالت جاننے کے لیے اسپتال پہنچے۔

آسٹریلیا کو 100 ویں ٹیسٹ میچ میں شکست دے کر ہندستان نے کی برابری

ہندوستان نے اپنے گیند بازوں کی مضبوط کارکردگی کا مظاہرہ کرتے ہوئے دوسرے باکسنگ ڈے ٹیسٹ کے چوتھے روز آسٹریلیا کو آٹھ وکٹوں سے شکست دے کر چار میچوں کی سیریز 1-1 سے برابر کرلی۔ ہندوستان نے آسٹریلیا کو دوسری اننگز میں 200 رنوں پر سمیٹ دیا اور فتح کے لئے ملا 70 رنوں کا ہدف دو وکٹیں گنوا ...

بھٹکل کرکٹ لیگ ٹورنامنٹ کی افتتاحی تقریب : ڈویزن لیول میں کھیلنے کا موقع

19دسمبر 2020بروز سنیچر سے بھٹکل اسپورٹس اکیڈمی بھٹکل اور بھٹکل مسلم یوتھ فیڈریشن کے اشتراک سے  شروع ہونے والے امین سیف اللہ جونئیر کرکٹ لیگ کی افتتاحی تقریب 18دسمبر بروز جمعہ کی شام  تعلقہ اسٹیڈیم (وائی ایم ایس اے گراؤنڈ) میں منعقد ہوئی۔

سری لنکا کرکٹ بورڈ منسوخ کرسکتا ہے جنوبی افریقہ کا دورہ

حال ہی میں میزبان جنوبی افریقہ اور انگلینڈ کے مابین تین میچوں کی ٹی ٹونٹی سیریز اور تین میچوں کی ون ڈے سیریز کھیلی جانی تھی۔ انگلینڈ کی ٹیم جو جنوبی افریقہ کے دورے پر گئی تھی انہوں نے تین میچوں کی ٹی ٹونٹی سیریز کھیلی، لیکن ون ڈے سیریز سے قبل جنوبی افریقہ کرکٹ بورڈ کورونا وائرس ...

آئی سی سی ٹیسٹ کی درجہ بندی: وراٹ کوہلی کو خطرہ دوسرے مقام پرپہنچی ڈبل سنچری لگانے والے کین ولیمسن

نیوزی لینڈ کے کپتان کین ولیمسن انٹرنیشنل کرکٹ کونسل کے ذریعہ پیر کو جاری کی جانے والی تازہ ترین ٹیسٹ رینکنگ میں لمبی چھلانگ لگا ئی ہے۔ ویسٹ انڈیز کے خلاف کھیلے گئے پہلے ٹیسٹ میچ میں ڈبل سنچری بنانے کا فائدہ انہیں ملا اور انہوں نے مشرکہ طورپر دوسرا مقام حاصل کیا۔