تیجسوی یادو چوتھی بار بھی راہل کے اسٹیج سے غائب، آخر کیوں ؟
پٹنہ: 21 /اپریل(ایس اونیوز /آئی این ایس انڈیا)لوک سبھا انتخابات کے لئے کانگریس صدر راہل گاندھی کی چوتھی ریلی ہفتہ کو سپول میں ہوئی، لیکن تیجسوی یہاں بھی ان کے ساتھ اسٹیج پر نہیں نظر آئے۔ وہ راہل گاندھی کے جلسہ کے وقت کھگڑیا میں وی آئی پی امیدوار مکیش سہنی کے لئے انتخابی ریلی کر رہے تھے۔ اس کے پہلے راہل گاندھی کی ریلی کٹیہار میں ہوئی تھی۔ اس دن بھی تیجسوی یادودوسری جگہ رابطہ مہم میں تھے ۔ جبکہ راہل کی گیا والی ریلی کے دن تیجسوی کہیں اور مہم میں مصروف تھے۔ اس دن آر جے ڈی کی جانب سے کہا گیا تھا کہ تیجسوی یادو کی طبیعت ٹھیک نہ ہونے کی وجہ سے ر یلی میں شامل نہیں ہو پائے تھے۔ دوسری طرف این ڈی اے کی جانب سے وزیر اعظم نریندر مودی کی ریلیوں میں جے ڈی یولیڈر نتیش کمار موجود رہتے ہیں۔ اس کی وجہ مہا گٹھ بندھن میں سب کچھ ٹھیک نہیں چل رہا ہے۔ یہ سوال اٹھائے جانے لگے ہیں۔اگرچہ راہل گاندھی کے ساتھ مشترکہ اسٹیج پر موجود کیوں نہیں ہوتے ہیں ۔