پنجی،21/ مئی (ایس او نیوز/ایجنسی) تہلکہ میگزین کے بانی ترون تیج پال کو گوا کی ایک عدالت نے عصمت دری کے الزام سے بری کردیا ہے۔ تیج پال جو ضمانت پر رہا ہے ان پر 2013 میں گوا میں ایک فائیو اسٹار ریسارٹ میں ایک کانفرنس کے دوران ایک جونیئر ساتھی کے ساتھ عصمت دری کا الزام عائد کیا تھا۔
2017 میں عدالت نے سابق صحافی پر عصمت دری اور جنسی استحصال کاالزام عائد کیا گیاتھا۔ ترن تیج پال نے ان الزامات کو سپریم کورٹ میں چیلنج کیاتھا۔
سپریم کورٹ نے حکم دیا تھا کہ اس کیس کو چھ ماہ کے اندر نمٹا دیا جائے۔ گذشتہ سال اکتوبر میں سپریم کورٹ نے ٹرائل پورا کرنے کے لئے 31 مارچ 2021 تک کا وقت دیا تھا، حالانکہ معاملہ مئی تک پہنچ گیا ۔ اس سے قبل ٹرائل مکمل کرنے کی آخری تاریخ 31 دسمبر تک تھی۔ گوا پولیس نے تیج پال کے خلاف ٹرائل مکمل کرنے کے لئے مزید وقت طلب کیا تھا۔اس دوران سماعت کے دوران، سالیسٹر جنرل تشار مہتا نے گوا پولیس کی جانب سے کہا تھا کہ ملزم پھیپھڑوں کے مسئلے سے دوچار ہے اور اس وقت سفر نہیں کرسکتا، لہذا تفتیش کے لئے وقت میں توسیع کی جانی چاہئے۔
اس سے قبل 19 اگست 2019 کو تیج پال کو سپریم کورٹ سے دھچکا لگا تھا، جب سپریم کورٹ نے ان کی درخواست مسترد کردی تھی اور عصمت دری کے معاملے میں مقدمے کی سماعت شروع کرنے کا حکم دیا تھا۔ اعلی عدالت نے گوا کی زیریں عدالت میں کیس کی سماعت پر عائد پابندی ختم کردی تھی۔