بھٹکل:23؍اگست   (ایس اؤ نیوز) گورنمنٹ ماڈل ہائر پرائمری اسکول شیرور اور محکمہ تعلیمات عامہ بیندور کے اشتراک سے منعقدہ کلسٹر لیول پرتیبھا کارنجی ثقافتی مقابلہ جات  میں توحید پبلک اسکول شیرور کے طلبا نے بہترین مظاہرہ پیش کرتےہوئے 7مقابلہ جات میں اول ، 6میں دوم اور دو مساہموں نے تیسرامقام حاصل کرتےہوئے اسکول و شہر کا نام روشن کیاہے۔

دسویں جماعت میں زیر تعلیم عادیہ ،عرشیہ اور رمشہ نے بالترتیب انگریزی اور اردو تقاریراور غزل گائیکی مقابلہ جات میں اول،  جماعت نہم کی نہرین نے ہندی تقریری مقابلہ میں اول اور اردوحفظ ، ہندی حفظ اور دیش پریم گیت میں عائشہ آرزو، اظہہ مہک اور اناس،ضہا ،زرین ، زیبا ، اظہہ اور زارہ نے اول مقام پایا ہے۔ اسی طرح دیگر مقابلہ جات میں بھی بہترین مظاہرہ پیش کئے طلبا کو اسکول کے انتظامیہ ممبران ، صدرمدرس، اساتذہ سمیت سبھی متعلقہ افراد نے مبارکبادی پیش کی ہے۔