بھٹکل 21/اپریل (ایس او نیوز)  یہاں شمس الدین سرکل کے قریب پیش آئے ایک سڑک حادثہ میں اسکوٹر سوار کی موت واقع ہوگئی جبکہ اسکوٹر کی پچھلی سیٹ پر سوار  شخص شدید زخمی ہوگیا جسے  کنداپور لے جایا گیا ہے۔

عینی شاہدین نے بتایا کہ  اسکوٹر  پر سوار منڈلی کے رہنے والے راجو نارائن نائک (28) اور پچھلی سیٹ پر سوار دنیش شنیار نائک (28) منڈلی جارہے تھے کہ  مخالف سمت سے آنے والی ایک ٹینکر سے اسکوٹر کا میرر چھو گیا جس سے اسکوٹر کا توازن بگڑ گیا۔ حادثے میں اسکوٹر پر سواردونوں نوجوان سڑک پر گرگئے اور شدید زخمی ہوگئے۔ دونوں کو فوری طور پر سرکاری اسپتال لےجایا گیا، جہاں پہنچنے کےبعد راجو نارائن نائک کی موت واقع ہوگئی۔ دنیش شنیار نائک کو شدید چوٹ لگنے کی وجہ سے  ابتدائی طبی امداد کے بعد کنداپور لے جایا گیا ہے۔

حادثے کے بعد کچھ دیر کے لئے ٹریفک نظام متاثر ہوا تھا مگر پی ایس آئی کوسومادھارا  اور دیگر اہلکار خبر ملتے ہی جائےوقوع پر پہنچ گئے اور  زخمیوں کو اسپتال پہنچانے کے بعد ٹریفک نظام کو درست کیا۔

ٹاون پولس تھانہ میں معاملہ درج کیا گیا ہے۔