بھٹکل سوسگڑی حدود کی تحصیل اور پنشن عدالت کاانعقاد :عوام عدالتوں سے استفادہ کریں
بھٹکل :30/جولائی (ایس اؤ نیوز)پیر کو بھٹکل اسسٹنٹ کمشنر ساجد ملا کی صدارت میں سوسگڑی حدود کی تحصیل اور پنشن عدالت منعقد کرتے ہوئے پنشن کے منظوری لینے والی دستاویزات کی تصحیح کی گئی ۔اور اہل پنشن داروں کو منظوری نامہ دیاگیا۔
میٹنگ میں بات کرتے ہوئے اے سی نے کہاکہ عدالت کا انعقاد دراصل سرکاری اسکیم کا فائدہ عوام تک پہنچانے کے لئے کیاگیا ہے۔ عوامی سہولت کی خاطر ایسی عدالتیں منعقد کی جائیں گی ، اس موقع پر انہوں نے افسران کو ہدایت دی کہ ہر مہینہ عدالت منعقد کریں۔اور بتایا کہ دستاویزات میں کوئی کمی بیشی ہے تو اس کی عدالت میں تصحیح کی جائے گی۔ عوام سے اپیل کی کہ وہ دفاتر کے چکر کاٹنے کے بجائے عدالت شریک ہوکر صحیح دستاویزات سونپیں گے تو انہیں صرف ایک دن میں پنشن رجسٹردستاویز دینے کا انتظام کیاگیا ہے۔ کسی بھی دیہات میں زائد آبادی ہے تو تحصیل اور پنشن کے متعلق ہم خود متعلقہ علاقہ میں پہنچ کر عدالت منعقد کریں گے اور عوام کے مسائل حل کرنے کی بات کہی۔ عدالت میں اے سی ساجد ملا نے 20اہل پنشن داروں کو منظوری نامہ دیا ۔ اس موقع پر تحصیلدار وی این باڈکر ، کارگزار تحصیل انسپکٹر راجو نائک، تحصیلدار کا عملہ وشوناتھ کرڈی اور تمام ولیج اکاؤنٹنٹ وغیرہ موجود تھے۔