ٹی-20 عالمی کپ: کورونا نے ہندوستان کو دیا جھٹکا، ٹورنامنٹ یو اے ای منتقل کرنے کا اعلان

Source: S.O. News Service | Published on 28th June 2021, 11:28 PM | اسپورٹس |

نئی دہلی،28؍جون (ایس او نیوز؍ایجنسی) جیسا کہ امکان ظاہر کیا جا رہا تھا، کورونا انفیکشن کے اثرات کو دیکھتے ہوئے ٹی-20 کرکٹ عالمی کپ کو ہندوستان سے یو اے ای (متحدہ عرب امارات) منتقل کرنے کا اعلان کر دیا گیا ہے۔ بی سی سی آئی کے سکریٹری جے شاہ نے آج اس کی جانکاری دیتے ہوئے کہا کہ ’’ہم آئی سی سی کو آج جانکاری دیں گے کہ ٹی-20 کرکٹ عالمی کپ کو یو اے ای منتقل کر رہے ہیں۔ تاریخوں کا اعلان آئی سی سی کرے گا۔‘‘

قابل ذکر ہے کہ ہندوستان میں کورونا انفیکشن کی وجہ سے آئی پی ایل جیسے بڑے ٹورنامنٹ کو درمیان میں ہی روکنا پڑا تھا اور باقی میچز یو اے ای میں کرانے کا اعلان پہلے ہی کیا جا چکا ہے۔ اس کے پیش نظر امکان ظاہر کیا جا رہا تھا کہ ہندوستان میں کھیلا جانے والا ٹی-20 عالمی کپ بھی یو اے ای منتقل ہو سکتا ہے۔ ذرائع سے ایسی خبریں بھی سامنے آ رہی تھیں کہ آئی پی ایل کا 14واں سیزن ختم ہوتے ہی یو اے ای میں ٹی-20 عالمی کپ شروع ہو جائے گا۔ اب دیکھنا یہ ہے کہ آئی سی سی ٹورنامنٹ کی تاریخوں کا اعلان کب تک کرتا ہے۔

کچھ رپورٹس میں ایسی جانکاری بھی دی گئی ہے کہ ٹی-20 عالمی کپ کے کچھ میچز کا انعقاد عمان میں بھی ہوگا۔ یہاں قابل غور بات یہ بھی ہے کہ اس مرتبہ ٹی-20 علامی کپ میں حصہ لینے والی 16 ٹیموں میں عمان بھی شامل ہے۔ بہر حال، گزشتہ دنوں عالمی ٹیسٹ چمپئن شپ کے فائنل میں ملی شکست کے بعد ہندوستانی ٹیم کی نگاہیں ٹی-20 عالمی کپ میں جیت درج کرنے پر ہوگی۔ گزشتہ کئی سالوں سے ہندوستان آئی سی سی کے بڑے خطاب نہیں جیت پایا ہے۔ ایسے میں وراٹ بریگیڈ اپنی پوری طاقت کے ساتھ میدان میں اترے گی اور چمپئن بننے کی کوشش کرے گی۔

ایک نظر اس پر بھی

کرشنا ناگر نے ٹوکیو پیرالمپکس میں ہندوستان کو دلایا پانچواں طلائی تمغہ

ٹوکیو پیرالمپکس میں ہندوستان کے کرشنا ناگر نے تاریخ رقم کرتے ہوئے ہندوستان کو پانچواں طلائی تمغہ دلا دیا ہے۔ کرشنا ناگر نے اتوار کے روز بیڈمنٹن کے مردوں کے سنگلز (ایس ایچ-6) مقاملہ کے فائنل میں ہانگ کانگ کے چو من کائی کو ہراکر گولڈ جیتا۔

پیرالمپکس: طلائی سے چوکے نوئیڈا کے ڈی ایم سہاس، ہندوستان کو دلایا چاندی کا تمغہ

  ہندوستانی بیڈمنٹن پیرا کھلاڑی اور گوتم بدھ نگر کے ضلع مجسٹریٹ سہاس ایل یتی راج ٹوکیو پیرالمپکس کے فائنل مقابلہ میں فرانس کے پیرا کھلاڑی لوکاس مزور سے ہار گئے اور انہیں چاندی کے تمغے پر ہی اکتفا کرنا پڑا۔

ٹی-20 کرکٹ میں بنگلہ دیشی گیندبازوں کا قہر، نیوزی لینڈ کو 7 وکٹوں سے ملی شکست

گیندبازوں کی عمدہ گیندبازی اور بلے بازوں کی بہترین اننگز کی بدولت میزبان بنگلہ دیش نے بدھ کو یہاں شیر بنگلہ نیشنل اسٹیڈیم میں پہلے ٹی-20 میں نیوزی لینڈ کو7  وکٹوں سے شکست دے دی۔ پہلے بلے بازی کرتے ہوئے نیوزی لینڈ کی ٹیم بنگلہ دیش کی شاندار گیندبازی کے سامنے پوری طرح بے بس ...