سابق کپتان محمد اظہرالدین کا بیان، صرف وراٹ نہیں پوری ٹیم اور کوچ ہار کے ذمہ دار!

Source: S.O. News Service | Published on 2nd November 2021, 11:45 AM | اسپورٹس |

نئی دہلی، 2؍نومبر (ایس او نیوز؍ایجنسی)  ٹی-20 عالمی کپ میں ہندوستان کی شروعات انتہائی خراب ہوئی ہے۔ ٹیم انڈیا پہلے پاکستان سے ہاری اور اس کے بعد نیوزی لینڈ کے ہاتھوں اسے شرم ناک ہار کا سامنا کرنا پڑا۔ ایسے حالات میں ٹیم انڈیا کے کپتان وراٹ کوہلی ہر کسی کے نشانہ پر ہیں۔ لیکن ہندوستان کے سابق کپتان محمد اظہرالدین نے وراٹ کوہلی کا دفاع کیا ہے۔

محمد اظہرالدین نے میچ کے بعد ایک ٹوئٹ میں کہا کہ صرف وراٹ کوہلی کو تنقید کا نشانہ بنایا جا رہا ہے جبکہ پوری ٹیم اور تمام کوچز ناکام ہوئے ہیں اور یہ صرف ایک شخص کی ہار نہیں ہے۔ انہوں نے کہا کہ یہ ہندوستان کے لئے ایک (خوفناک ہیلووین) برے خواب کی طرح ہے۔

خیال رہے کہ نیوزی لینڈ نے ہندوستان کو 8 وکٹوں سے شکست دی۔ ٹیم انڈیا نے اس میچ میں صرف 110 رن بنائے تھے جس کے بعد نیوزی لینڈ نے آسانی سے ہدف کو حاصل کر لیا۔ میچ کے بعد سے شائقین، سابق کرکٹرز اور ماہرین ٹیم انڈیا پر بری طرح برہم نظر آ رہے ہیں۔

اس بار ٹی 20 ورلڈ کپ میں ہندوستان کے کوچ روی شاستری اور ان کی ٹیم ہے، نیز سابق کپتان مہندر سنگھ دھونی بھی ٹیم انڈیا کے ساتھ بطور مینٹور جڑے ہوئے ہیں۔

بیٹنگ آرڈر میں تبدیلی ہو یا بولرز کا انتخاب، شکست کے بعد کپتان وراٹ کوہلی سب کے نشانے پر ہیں۔ وراٹ کوہلی نے نیوزی لینڈ کے خلاف بیٹنگ میں کوئی خاص کرکردگی کا مظاہرہ نہیں کیا اور 17 گیندوں میں صرف 9 رنز بنائے۔

سابق کرکٹر گوتم گمبھیر نے وراٹ کوہلی کے حوالہ سے اہم بیان دیا ہے۔ انہوں نے کہا کہ ان پر کوئی دباؤ نہیں لیکن وہ اہم میچوں میں اسکور نہیں کر پاتے۔ خاص طور پر ان میچوں میں جہاں جیت ضروری ہوتی ہے، شاید ان کے پاس اتنی ذہنی قوت نہیں جتنی کہ بطور قائد درکار ہوتی ہے۔

ایک نظر اس پر بھی

ہندوستان نے آسٹریلیا کو 6 وکٹوں سے شکست دے کر سیریز 2-1 سے جیت لی

 ہندوستان نے سوریہ کمار یادو (69) اور ویراٹ کوہلی (63) کی مضبوط نصف سنچریوں کے بعد ہاردک پانڈیا (ناٹ آؤٹ 25) کی دھماکہ خیز اننگز کی بدولت اتوار کے روز تیسرے ٹی- ٹوئنٹی میں آسٹریلیا کو چھ وکٹوں سے شکست دے کر سیریز 2-1 سے جیت لی۔ آسٹریلیا نے ہندوستان کو 187 رنز کا ہدف دیا تھا جسے ٹیم انڈیا ...

ٹی-20 سیریز: آسٹریلیا نے ہندوستان کو4 وکٹوں سے شکست دی

  آسٹریلیا نے کیمرون گرین (61) اور میتھیو ویڈ (46 ناٹ آؤٹ) کی دھماکہ خیز نصف سنچریوں کی بدولت منگل کو پہلے ٹی 20 میچ میں ہندوستان کو چار وکٹ سے شکست دے دی۔ ہندستان نے پہلے بلے بازی کرتے ہوئے 20 اوور میں 208 رن بنائے تھے جسے آسٹریلیا نے چار گیندیں باقی رہتے حاصل کر لیا۔

چھٹی بار سری لنکا کے سر سجا ایشیا کپ کاتاج، پاکستان کو 23 رن سے دی شکست

سری  لنکا کے بھانوکا راجا پکسے (71 ناٹ آؤٹ) اور پرمود مدوشن (چار وکٹ) کی شاندار گیند بازی کی بدولت سری لنکا نے ایشیا کپ کے فائنل میں پاکستان کو 23 رن سے شکست دی۔ سری لنکا نے پہلے بیٹنگ کرتے ہوئے مقررہ 20 اوورز میں 170 رن بنائے تھے جس کے جواب میں پاکستان 147 رن پر آل آؤٹ ہو گیا۔

بنگلہ دیشی کرکٹر مشفق الرحیم کا ٹی-20 کرکٹ سے ریٹائرمنٹ کا اعلان

 بنگلہ دیش کے سابق کپتان اور تجربہ کار وکٹ کیپر بلے باز مشفق الرحیم نے اتوار کو ٹی 20 انٹرنیشنل کرکٹ سے ریٹائرمنٹ کا اعلان کر دیا۔ مشفق نے کہا کہ وہ ٹیسٹ اور ون ڈے کرکٹ پر توجہ دینا چاہتے ہیں۔ اس کے علاوہ وہ فرنچائزی ٹی ٹوئنٹی کرکٹ کے لیے بھی دستیاب ہوں گے۔

ایشا کپ سپر 4: سری لنکا نے افغانستان کو4 وکٹوں سے شکست دے دی

کوشل مینڈس (36) اور دانوشکا گنٹیلکا (33) کی شاندار اننگز کی بدولت سری لنکا نے ایشیا کپ 2022 میں افغانستان کو چار وکٹ سے شکست دے دی۔افغانستان نے سری لنکا کو 20 اوورز میں 176 رنز کا ہدف دیا تھا جو اس نے پانچ گیندوں کے باقی رہتے ہوئے حاصل کر لیا اور سپر 4 کا پہلا میچ جیت لیا۔

ون ڈے سیریز: آسٹریلیا پر زمبابوے کی تاریخی جیت

 زمبابوے نے ہفتہ کے روز ریان برل (پانچ وکٹ) کی شاندار گیند بازی کی بدولت آسٹریلیا کو اسی کی سرزمین پر شکست دیتے ہوئے تیسرے ون ڈے میں تین وکٹوں سے جیت حاصل کی۔ زمبابوے نے ٹاس جیت کر آسٹریلیا کو پہلے بیٹنگ کے لیے بلایا اور محض 142 رن پر آل آؤٹ کر دیا تھا۔