ٹی 20عالمی کپ : افغانستان کے خلاف بڑی جیت کے ساتھ ہندوستان کی امیدیں برقرار

Source: S.O. News Service | Published on 4th November 2021, 10:57 AM | اسپورٹس |

ابوظہبی،4؍نومبر (ایس او نیوز؍یو این آئی) اوپنرز روہت شرما (74) اور کے ایل راہل (69) کی شاندار نصف سنچریوں اور ان کے درمیان 140 رنز کی ابتدائی شراکت اور شاندار کارکردگی کی بدولت ہندوستان نے افغانستان کے خلاف آئی سی سی ٹی 20 ورلڈ کپ کے گروپ دو کے کرو یا مرو کے مقابلہ میں 66 رنز سے جیت حاصل کر کے اپنی امیدوں کو قائم رکھا ہے۔

ہندوستان نے مقررہ 20 اوورز میں دو وکٹ پر 210 رنز کا بڑا اسکور بنایا اور افغانستان کو سات وکٹوں پر 144 رنز تک محدود کر کے تین میچوں میں پہلی جیت درج کرائی جبکہ افغانستان کو چار میچوں میں دوسری شکست کا سامنا کرنا پڑا۔

افغانستان نے ٹاس جیت کر پہلے فیلڈنگ کا فیصلہ کیا۔ روہت اور راہل نے جارحانہ رویہ اختیار کرتے ہوئے افغان گیند بازوں کو کوئی موقع نہیں دیا۔ روہت نے 47 گیندوں پر 74 رن کی اپنی شاندار اننگز میں آٹھ چوکے اور تین چھکے لگائے جبکہ راہل نے 48 گیندوں پر 69 رن میں چھ چوکے اور دو چھکے لگائے۔ دونوں نے ابتدائی شراکت میں 14.4 اوورز میں 140 رنز جوڑے۔ روہت کا وکٹ 140 پر اور راہل کا وکٹ 147 کے اسکور پر گرا۔

اس کے بعد میدان میں اترے رشبھ پنت اور ہاردک پانڈیا نے بھی یہ سلسلہ جاری رکھا اور ہندوستان کو اس ٹورنامنٹ میں 200 رنز بنانے والی پہلی ٹیم بننے کا اعزاز دلایا۔ پنت نے 13 گیندوں پر ناقابل شکست 27 رنز میں ایک چوکا اور تین چھکے لگائے جبکہ پانڈیا نے 13 گیندوں پر ناقابل شکست 35 رنز میں چار چوکے اور دو چھکے لگائے۔ پنت اور پانڈیا نے تیسری وکٹ کی ناقابل شکست شراکت میں 63 رنز جوڑے۔

افغانستان کے گیند باز ہندوستانی بلے بازوں پر کوئی اثر نہ چھوڑ سکے۔روہت شرما شاندار اننگز کھیلنے پر میچ کے بہترین کھلاڑی قرار پائے۔ ہندوستان کے گیند بازوں نے اپنے بڑے اسکور کی بنیاد پر افغانستان کے بلے بازوں پر دباؤ ڈالا اور انہیں غلطیوں پر مجبور کیا۔

فاسٹ بالر محمد شامی نے چار اوورز میں 32 رن دے کر تین جبکہ آف اسپنر روی چندرن اشون نے چار سال بعد وائٹ بال کرکٹ کھیلتے ہوئے چار اوورز میں صرف 14 رن دے کر دو وکٹیں حاصل کیں، جسپریت بمراہ اور روندر جڈیجہ نے ایک ایک وکٹ حاصل کی۔ اس جیت کے ساتھ ہی ہندوستانی کھلاڑیوں نے چھوٹی دیوالی پر ملک کو فتح کا تحفہ دیا۔

ہدف کے تعاقب میں افغانستان نے تیسرے اوور کی آخری گیند پر اوپنر محمد شہزاد کو کھو دیا۔ شہزاد کا کھاتہ بھی نہیں کھل سکا۔ محمد شامی نے شہزاد کو روی چندرن اشون کے ہاتھوں کیچ کرایا۔ دوسرے اوپنر حضرت اللہ زازئی نے 15 گیندوں پر 13 رنز بنائے اور ٹیم کے مجموعی اسکور 22 رنز پر آؤٹ ہوئے۔ رحمت اللہ گرباز 10 گیندوں پر ایک چوکے اور دو چھکوں کی مدد سے 19 رنز بنانے کے بعد لیفٹ آرم اسپنر روندرجڈیجہ کا شکار بن گئے۔

کپتان محمد نبی نے 32 گیندوں پر 35 اور کریم جنت نے 22 گیندوں پر تین چوکوں اور دو چھکوں کی مدد سے ناٹ آؤٹ 42 رنز بنائے۔ بہرحال۔ اس میچ میں افغانستان کو بڑے مارجن سے شکست کا منہ دیکھنا پڑا۔

ایک نظر اس پر بھی

آئی پی ایل 2022: بنگلور نے لکھنؤ کو 14 رنز سے ہرا کر دوسرے کوالیفائر میں جگہ بنائی

رائل چیلنجرز بنگلور ونے آئی پی ایل 2022 کے ایلیمینیٹر میچ میں لکھنؤ سپر جائنٹس کو 14 رنز سے شکست دے دی۔ اس جیت کے ساتھ بنگلور نے دوسرے کوالیفائر میں جگہ بنالی ہے۔ اب ان کا مقابلہ راجستھان رائلز سے ہوگا۔

’کلر‘ ملر نے گجرات ٹائٹنز کو آئی پی ایل2022کے فائنل میں پہنچایا

 ’کلر ملر‘ کے نام سے مشہور ڈیوڈ ملر (ناٹ آؤٹ 68) نے آخری اوور کی پہلی تین گیندوں پر تین چھکے لگا کر گجرات ٹائٹنز کو منگل کو راجستھان رائلز کے خلاف سات وکٹوں سے جیت دلائی اور 2022کے آئی پی ایل کے فائنل میں جگہ بنا لی۔

آئی پی ایل -2022: فائنل میں جگہ بنانے کیلئےگجرات اور راجستھان کے درمیان مقابلہ

آئی پی ایل 2022 کا کوالیفائر 1 آج کھیلا جائے گا جس میں گجرات ٹائٹنز اور راجستھان رائلز فائنل میں جگہ بنانےکے لیے آمنے سامنے ہوں گے۔ ایسے میں دونوں ٹیموں کی کوشش ہوگی کہ وہ یہ میچ جیت کر فائنل کا ٹکٹ کنفرم کرلیں۔

آئی پی ایل 2022: ممبئی نے دہلی کو ہراکر بنگلورو کو پلے آف میں پہنچا دیا

دہلی کیپٹلس کو ڈی آر ایس نہ لینے کی وجہ سے سخت دھچکا لگا جب ٹم ڈیوڈ کا کھاتہ نہیں کھلا تھا لیکن ڈیوڈ نے اس نئی زندگی کا پورا فائدہ اٹھاتے ہوئے صرف 11 گیندوں میں چار چھکوں کی مدد سے 34 رنز بنائے اور ممبئی نے دہلی کو پانچ وکٹ سے ہراکر رائل چیلنجرز بنگلور وکوآئی پی ایل کے پلے آف میں ...

بھٹکل میں منعقدہ ٹی-10کرکٹ ٹورنامنٹ میں الشمع کی شاندار کامیابی، فائنل میں محمدن شیرور کو دی 12 رنوں سے شکست

جامعہ آباد گراونڈ میں الشمع اسپورٹس سینٹر کے زیر اہتمام 10 اوروں کا ٹینس بال کرکٹ ٹورنامنٹ شاہ فیصل ٹرافی بدھ 18 مئی کو کامیابی کے ساتھ اختتام پزیر ہوا۔ فائنل میں آرگنائزر الشمع تینگن گنڈی نے محمدن شیرور کو شکست دی اور ٹرافی کو اپنے نام کرلیا۔

شیکھر دھون کے ناٹ آوٹ 88 رنز کی بدولت پنجاب نے چنئی کودی شکست

اوپنر شیکھر دھون  کی ن 88 رنز کی بدولت پنجاب کنگز نے چنئی سپر کنگز کو آئی پی ایل مقابلے میں11 رنوں سے شکست دے کراپنی چوتھی جیت درج کی۔ پنجاب نے 20 اووروں میں چار وکٹ پر 187 رنز کا چیلنجنگ اسکور بنایا اور چنئی کی جدوجہد کوچھ وکٹ پر 176 رنز پر ختم کردی۔ چنئی کو آخری اوور میں 27 رنز درکار ...