ٹی۔ 20 عالمی کپ: جنوبی افریقہ نے سری لنکا کو شکست دی

Source: S.O. News Service | Published on 31st October 2021, 10:52 AM | اسپورٹس |

شارجہ، 31؍اکتوبر (ایس او  نیوز؍ایجنسی) ونندو ہسارنگا کی ہیٹرک کو ضائع کرتے ہوئے جنوبی افریقہ نے سری لنکا کو ٹی۔ 20 عالمی کپ کے گروپ ایک مقابلے میں چار وکٹ سے شکست دے کر سیمی فائنل میں اپنی امیدوں کو برقرار رکھا ہے۔

سری لنکا نے پوتھم نسنکا کی 72 رن کی شاندار نصف سنچری والی اننگز کی بدولت 20 اوور میں 142 رن کا چیلنجنگ اسکور بنایا۔ ہسا رنگا کی ہیٹرک سے سری لنکا کو جیت کی امیدیں نظر آنے لگی تھیں لیکن آخری اوور میں ڈیوڈ ملر نے لگاتار دو چھکے لگاتے ہوئے جنوبی افریقہ کا کام آسان کردیا۔

جنوبی افریقہ نے 19.5 اوور میں چھ وکٹ پر 146 رن بناکر دلچسپ جیت اپنے نام کرلی۔ جنوبی افریقہ کی تین میچوں میں یہ دوسری جیت ہے جبکہ سری لنکا کی تین میچوں میں یہ دوسری شکست ہے۔

جنوبی افریقہ کی طرف سے تبریز شمسی اور پریٹوریس نے 17۔ 17 رن دیکر تین تین وکٹ حاصل کیے۔ اینک نورتزے کو دو وکٹ حاصل ہوئے۔

ہدف کا تعاقب کرتے ہوئے جنوبی افریقہ نے اپنے تین وکٹ 49 رن تک گنوا دیئے۔ کپتان تومبا باووما اور ایڈن مارکرم نے چوتھے وکٹ کے لیے 47 رن کی شراکت داری کی۔ مارکرم کو ہسا رنگا نے 15 ویں اوور کی آخری گیند پر بولڈ کیا۔ ہسا رنگا نے اپنے اگلے اوور کی پہلی دو گیندوں پر باووما اور ڈوین پریٹوریس کو آؤٹ کرکے اپنی ہیٹرک مکمل کرلی۔

پریٹوریس کا وکٹ 112 کےاسکور پر گرا۔ لیکن اس کے بعد ڈیوڈ ملر نے 13 گیندوں پر دو چھکے کے مدد سے ناٹ آؤٹ 23 اور کیگیسو ربادا نے سات گیندوں پر ایک چوکے اور ایک چھکے کی مدد سے ناٹ آؤٹ 13 رن بناکر جنوبی افریقہ کے خیمے کو جیت کے جشن میں ڈبو دیا۔

جنوبی افریقہ کے اسپنر شمسی کو ان کی بہترین گیند بازی کے لیے پلیئر آف دی میچ کا ایوارڈ دیا گیا۔

ایک نظر اس پر بھی

ہندوستان نے آسٹریلیا کو 6 وکٹوں سے شکست دے کر سیریز 2-1 سے جیت لی

 ہندوستان نے سوریہ کمار یادو (69) اور ویراٹ کوہلی (63) کی مضبوط نصف سنچریوں کے بعد ہاردک پانڈیا (ناٹ آؤٹ 25) کی دھماکہ خیز اننگز کی بدولت اتوار کے روز تیسرے ٹی- ٹوئنٹی میں آسٹریلیا کو چھ وکٹوں سے شکست دے کر سیریز 2-1 سے جیت لی۔ آسٹریلیا نے ہندوستان کو 187 رنز کا ہدف دیا تھا جسے ٹیم انڈیا ...

ٹی-20 سیریز: آسٹریلیا نے ہندوستان کو4 وکٹوں سے شکست دی

  آسٹریلیا نے کیمرون گرین (61) اور میتھیو ویڈ (46 ناٹ آؤٹ) کی دھماکہ خیز نصف سنچریوں کی بدولت منگل کو پہلے ٹی 20 میچ میں ہندوستان کو چار وکٹ سے شکست دے دی۔ ہندستان نے پہلے بلے بازی کرتے ہوئے 20 اوور میں 208 رن بنائے تھے جسے آسٹریلیا نے چار گیندیں باقی رہتے حاصل کر لیا۔

چھٹی بار سری لنکا کے سر سجا ایشیا کپ کاتاج، پاکستان کو 23 رن سے دی شکست

سری  لنکا کے بھانوکا راجا پکسے (71 ناٹ آؤٹ) اور پرمود مدوشن (چار وکٹ) کی شاندار گیند بازی کی بدولت سری لنکا نے ایشیا کپ کے فائنل میں پاکستان کو 23 رن سے شکست دی۔ سری لنکا نے پہلے بیٹنگ کرتے ہوئے مقررہ 20 اوورز میں 170 رن بنائے تھے جس کے جواب میں پاکستان 147 رن پر آل آؤٹ ہو گیا۔

بنگلہ دیشی کرکٹر مشفق الرحیم کا ٹی-20 کرکٹ سے ریٹائرمنٹ کا اعلان

 بنگلہ دیش کے سابق کپتان اور تجربہ کار وکٹ کیپر بلے باز مشفق الرحیم نے اتوار کو ٹی 20 انٹرنیشنل کرکٹ سے ریٹائرمنٹ کا اعلان کر دیا۔ مشفق نے کہا کہ وہ ٹیسٹ اور ون ڈے کرکٹ پر توجہ دینا چاہتے ہیں۔ اس کے علاوہ وہ فرنچائزی ٹی ٹوئنٹی کرکٹ کے لیے بھی دستیاب ہوں گے۔

ایشا کپ سپر 4: سری لنکا نے افغانستان کو4 وکٹوں سے شکست دے دی

کوشل مینڈس (36) اور دانوشکا گنٹیلکا (33) کی شاندار اننگز کی بدولت سری لنکا نے ایشیا کپ 2022 میں افغانستان کو چار وکٹ سے شکست دے دی۔افغانستان نے سری لنکا کو 20 اوورز میں 176 رنز کا ہدف دیا تھا جو اس نے پانچ گیندوں کے باقی رہتے ہوئے حاصل کر لیا اور سپر 4 کا پہلا میچ جیت لیا۔

ون ڈے سیریز: آسٹریلیا پر زمبابوے کی تاریخی جیت

 زمبابوے نے ہفتہ کے روز ریان برل (پانچ وکٹ) کی شاندار گیند بازی کی بدولت آسٹریلیا کو اسی کی سرزمین پر شکست دیتے ہوئے تیسرے ون ڈے میں تین وکٹوں سے جیت حاصل کی۔ زمبابوے نے ٹاس جیت کر آسٹریلیا کو پہلے بیٹنگ کے لیے بلایا اور محض 142 رن پر آل آؤٹ کر دیا تھا۔