نئی دہلی، 9 جولائی (ایس او نیوز/آئی این ایس انڈیا) ستلج جمنا لنک نہر یعنی ایس وائی ایل معاملے میں سپریم کورٹ نے نہر کی تعمیر کو لے کر پنجاب، ہریانہ اور مرکزی حکومت کو میٹنگ کرنے کو کہا ہے۔کورٹ نے کہا کہ تینوں فریق ایک بار کورٹ کے حکم کو لاگو کرنے کو لے کر میٹنگ کریں،اگر میٹنگ سے کوئی نتیجہ نہیں نکلتا ہے تو ہم اپنا فیصلہ لاگو کرائیں گے۔سپریم کورٹ 3 ستمبر کو معاملے کی اگلی سماعت کرے گا۔پنجاب سپریم کورٹ کے فیصلے پر عمل کو تیار نہیں ہے۔پنجاب کے وزیر اعلی نے سپریم کورٹ کے فیصلے کے وقت کافی مخالفت کی تھی،اس کے بعد کے چیف جسٹس تیرتھ سنگھ ٹھاکر نے مرکزی حکومت سے میٹنگ منعقد کرنے کو کہا تھا لیکن اب تک کوئی میٹنگ نہیں ہو پائی ہے۔ایک بار پھر سپریم کورٹ نے انتباہ کے ساتھ مرکزی حکومت کو ہریانہ اور پنجاب حکومت کے ساتھ بیٹھ کر فیصلہ لاگو کرنے کو کہا ہے، ورنہ کورٹ اپنے مطابق اسے لاگو کرے گا۔