سوچھ فنڈس : بی بی ایم پی افسروں کو اے سی بی تحقیق کا سامنا
بنگلورو،23/فروری(ایس او نیوز) سوچھ بھارت ابھیان کے تحت مرکز کی جانب سے جاری کردہ فنڈس کے مبینہ غلط استعمال کے معاملے میں حکومت کرناٹک نے بی بی ایم کے متعلقہ افسروں کے خلاف ایک اے سی بی تحقیق کا حکم دیا ہے۔
محکمہ شہری ترقیات (یو ڈی ڈی) کی ایک رپورٹ کی بنیاد پرحکومت نے انسدادِ رشوت خوری قانون کے تحت تحقیق کا حکم دیا ہے۔2016/17اور 2017/18کے دوران مرکز نے سوچھ بھارت ابھیان پروگراموں کے لئے بی بی ایم پی کو108کروڑ روپے جاری کئے تھے۔ لیکن بی بی ایم پی نے مبینہ طورپر صر ف 16کروڑ روپئے اس کے لئے خرچ کئے اوربقیہ ر قم ترقیات اور فٹ پاتھوں کی ری ماڈلنگ کے لئے موڑ دی گئی۔
بنگلور و شہر کے بی جے پی کے ترجمان رمیش نے فنڈس کے مبینہ موڑے جانے کے خلاف یو ڈی ڈی میں شکایت کی تھی۔ انہوں نے افسروں کو فنڈس موڑنے مجبور کرنے کا کچھ سابق وزر اء پر الزام لگایا۔یو ڈی ڈی نے ایک اندرونی تحقیق کی اور پایاکہ بی بی ایم پی نے دیگر مقاصد کے لئے مالیہ کا استعمال کیا۔تاہم اس نے صرف افسروں کو خاطی ٹھہرایااور یہ کہتے ہوئے منتخب نمائندوں کے نام خارج کردئیے کہ نہ رمیش نہ ہی بی بی ایم پی نے ان کے ملوث ہونے کے تعلق سے کوئی ٹھوس ثبوت پیش کیا۔