بھٹکل مدینہ کالونی میں لاوارث کار؛ جانور کا شکار کرکے فرار ہونے کا الزام، محکمہ جنگلات نے تحویل میں لی کار

Source: S.O. News Service | By Shahid Mukhtesar | Published on 22nd February 2021, 12:26 PM | ساحلی خبریں |

بھٹکل 22 فروری (ایس او نیوز) بھٹکل مدینہ کالونی محی الدین اسٹریٹ سکینڈ کراس پر ایک مکان کےباہر لاوارث کار کے پائے جانے سے مکان کے لوگ پریشانی میں مبتلا ہوگئے  کیونکہ   کار پائی جانے کے بعد محکمہ جنگلات کےاہلکار متعلقہ  گھر پہنچ کر  گھر کے  لوگوں سے  پوچھ تاچھ  کرنے لگے اور گھر کے داماد سمیت دو لوگوں کو مزید پوچھ تاچھ کے لئے  اپنے ساتھ بھی لے گئے۔

صبح قریب  آٹھ بجے مہاراشٹرا نمبر پلیٹ والی Extreme Captiva   گاڑی ایک مکان کے باہر پائی گئی، جس کے بعد محکمہ جنگلات کے اہلکار گھر پہنچ گئے اور گاڑی کے تعلق سے پوچھ تاچھ شروع کی، گھر والوں کا کہنا ہے کہ صبح چھ بجے تک یہاں کوئی گاڑی نہیں تھی، مگر  7:30 یا 8 بجے کب اور کس  نے یہاں گاڑی لاکر پارک کی کچھ پتہ نہیں ہے۔ گھر والے اس بات سے مزید پریشانی میں مبتلا ہوگئے ہیں کہ ان کا داماد  اتوار شام کو ہی کافی مہینوں بعد کنداپور سے آیا تھا اور محکمہ جنگلات کے آفسروں نے پوچھ تاچھ کے لئے اُسے اپنے ساتھ گاڑی میں بٹھاکر لے گئے ہیں۔

کیا ہے واقعہ ؟:     بھٹکل رینج فوریسٹ آفسر سویتا دیواڑیگا نے بتایا کہ ہمیں مصدقہ اطلاع ملی تھی کہ ہوناور۔گیرسوپّا جنگل سے  اس گاڑی میں جانور کا شکار کرکے لے جایا جارہا ہے، ہم  نے اس گاڑی کو روکنے کی کوشش کی تو یہ لوگ  گاڑی کو تیز ی سے بھگانے لگے، جس پر ہم نے ان کا پیچھا کیا تو یہ لوگ  فرار ہوتے ہوئے شرالی سمیت سڑکوں پر رکھے ہوئے بیریکیڈ کو بھی توڑ کر  بھاگنے لگے، اہلکاروں نے پیچھا کیا تو  یہ لوگ مدینہ کالونی میں گھس کر متعلقہ مکان کے باہر گاڑی چھوڑ کر فرار ہوگئے۔

مقامی لوگوں نے شبہ ظاہر کیا کہ  گاڑی کا جب پیچھا کیا جارہا تھا تو   گاڑی  ڈرائیور نے پکڑے جانے کے خوف سے  محی الدین اسٹریٹ کی طرف گاڑی موڑدی ہوگی اور کافی گلیاں عبور کرنے کے بعد بدریہ کالونی کے راستے سے مزید ایک گلی کے اندر گھس گیا جہاں سے آگے کےلئے روڈ نہیں تھا جب معلوم ہوا کہ آگے روڈ نہیں ہے تو    وہ   متعلقہ مکان کے باہر ہی گاڑی چھوڑ کر فرار ہوگیا۔  اس بات کی اطلاع نہیں مل پائی کہ گاڑی پر کتنے لوگ سوار تھے۔  مقامی لوگوں کے مطابق جس گھر کے باہر گاڑی پائی گئی ہے، اُن گھر والوں کا  اس گاڑی سے کوئی تعلق نہیں ہے، اس لئے گھر والوں کو خواہ مخواہ تنگ کرنا درست نہیں ہے۔

کافی پوچھ تاچھ کے بعد محکمہ جنگلات کے اہلکاروں نےمتعلقہ گاڑی کو اپنی تحویل میں لے لیا ۔ بتایا گیا ہے کہ گاڑی کے اندر  سو کلو سے بھی زائد جنگلی بھینسے کا گوشت  پایا گیاہے۔   بھٹکل ٹاون پی ایس آئی بھرت  ودیگر اہلکار بھی  موجود تھے۔  چھان بین جاری ہے۔

ایک نظر اس پر بھی

منگلورو: ’ایک ملک ، ایک الیکشن ‘بحث کا موضوع ہی نہیں : سابق وزیر یوٹی قادر کا بیان

’ایک ملک ، ایک الیکشن ‘بحث کا موضوع ہی نہیں ہے، دراصل اس کے پیچھے دستور کی اصل منشاء کو تبدیل کرنے کا مقصد ہے، اس بات کا الزام  سابق وزیر یو ٹی قادر نے لگایا۔ پریس کانفرنس سے خطاب کرتے  ہوئےکہا انہوں نے کہا کہ ملک بھر کے  عوام پریشان ہیں، بحث کے لئے بے شمار عوامی مسائل ہیں ، ...

اترکنڑا ضلع میں کووڈ انجکشن کی تقسیم کاری منظم انداز میں جاری :ڈپٹی کمشنر نے کہا؛ نڈر ہوکر عوام انجکشن لگائیں

ریاست میں سب سے زیادہ عوام کو کووڈ انجکشن لگانےوالے ٹاپ 5اضلاع میں سے ایک اترکنڑا ضلع بھی ہے۔ ضلع میں پہلےمرحلےمیں 84فی صد، دوسرے مرحلےمیں 73.60فی صد عوام کو انجکشن لگائے جانے کی جانکاری اترکنڑا ضلع ڈپٹی کمشنر مُلّئے مُگِلن نےدی۔

بھٹکل میں جن اوشدھی پروگرام : اسسٹنٹ کمشنر نے کہا؛ سرکاری دوائیوں کے متعلق عوام اپنا رویہ بدلیں

بھٹکل منی ودھان سودھا میں  بھٹکل ہوناور تعلقہ جات جن اوشدھی مرکز مالکان محاذ کے اشتراک سے تیسرے سال کا یوم ِ جن اوشدھی پروگرام کا انعقاد بھٹکل کے کارگزار اسسٹنٹ کمشنر ساجدملا کی صدارت میں منعقد ہوا۔

ملاپورم لوک سبھا ضمنی الیکشن: ڈاکٹر تسلیم احمد رحمانی ایس ڈی پی آئی امیدوار

سوشیل ڈیموکریٹک پارٹی آف انڈیا  (ایس ڈی پی آئی) کے قومی جنرل سکریٹری الیاس محمد تمبے نے ملاپورم میں  منعقدہ ایک پریس کانفرنس میں اعلان کیا کہ ایس ڈی پی آئی قومی سکریٹری ڈاکٹر تسلیم احمد رحمانی ملاپورم لوک سبھا حلقہ سے الیکشن لڑیں گے۔