مینگلور، 12؍ جون (ایس او نیوز) جنوبی کنڑا ضلع کے اپیننگڈی میں واقع گورنمنٹ فرسٹ گریڈ کالج نے 6  طالبات کی معطلی اس وقت ختم کردی جب متعلقہ طالبات نے کالج انتظامیہ کو یقین دلایا کہ وہ کالج کے ڈریس کوڈ پر عمل کریں گی۔

گذشتہ ہفتےاپننگڈی میں واقع سرکاری کالج نے کرناٹک ہائی کورٹ کے حکم کا حوالہ دیتے ہوئے طالبات پر زور دیا تھا کہ وہ ڈریس کوڈ پر عمل کرے اور حجاب کے ساتھ کالج نہ آئیں۔ لیکن جب 24 طالبات نے انکار کرتے ہوئے احتجاج کیا تو حجاب پہن کر کلاس میں آنے والی 24 طالبات کو معطل کر دیا تھا۔