سوشانت سنگھ راجپوت کی خودکشی نہیں قتل داؤد گینگ سے تعلق، سوشیل میڈیا پر وائرل ہونے والی ویڈیو میں دعویٰ
ممبئی،11؍جولائی (ایس او نیوز؍یو این آئی) فلم اسٹار سوشانت سنگھ نے خودکشی نہیں کی بلکہ اس کا قتل کیا گیا ہے اور اس قتل کا تعلق داؤد گینگ سے ہے، اس طرح کا سنسنی خیز دعویٰ کرنے والی ایک ویڈیو سوشیل میڈیا پر گردش کر رہی ہے 14جون 2020کو مشہور اداکار سوشانت سنگھ راجپوت کی خودکشی کر نے کے بعد لگ بھگ ایک ماہ کے دوران کوئی نہ کوئی نئی بات اور نئے اندازے سامنے آتے رہے ہیں اور اس کی خودکشی مسلسل زیر بحث رہی ہے جس کے باعث یہ معاملہ ہر روز سرخیوں میں رہا ہے۔
اور اب ایک اطلاع کے مطابق سوشیل میڈیا میں وائرل ہوئی ایک ویڈیو سامنے آنے کے بعد یہ معاملہ کیا رخ اختیار کرتا ہے اس پر سب کی نگاہیں لگی ہیں۔ واضح رہے کہ سوشانت سنگھ راجپوت کی خودکشی کو لے کر پولیس اب تک اس معاملے میں 30 سے زائد افراد سے پوچھ گچھ کرچکی ہے اور اب بھی ان سے تفتیش جاری ہے۔ اب پولیس پیشہ ورانہ زاویہ سے معاملے کی تحقیقات کر رہی ہے۔سوشیل میڈیا پر وائرل ہو رہی ایک شخص کی ویڈیو کہا جارہا ہے کہ سوشانت سنگھ راجپوت نے خودکشی نہیں کی تھی، اسے ہلاک کردیا گیا تھا اور داؤد ابراہیم اس میں شامل تھے۔ ویڈیو میں شامل شخص کا نام این کے سوڈ ہے۔ اور وہ بھارتی خفیہ ایجنسی را کا سابقہ ملازم ہونے کا دعویٰ کررہا ہے۔مشہور اداکار سوشانت سنگھ راجپوت نے 14 جون 2020 کو خودکشی کی تھی۔ کہا جاتا ہے کہ وہ افسردہ تھا۔ اس کی پوسٹ مارٹم رپورٹ میں بتایا گیا ہے کہ اس کی موت دم گھٹنے کی وجہ سے ہوئی نیز اس کے جسم میں کوئی مشکوک کیمیکل یا زہر نہیں ملا تھا۔ اب پولیس اس کے پیشہ ورانہ زاویہ سے معاملے کی تحقیقات کر رہی ہے۔
