سورتکل :22؍جون(ایس اؤ نیوز)ہلینگڑی ،سسی ہتلو کے شمشان کے قریب بہنے والی نندنی ندی میں ملی نعش کی تصدیق سورتکل کے قریبی مقام چوکبیٹو کے مکین محمد فہد (ظہیر) (19) کے طورپر کی گئی ہے۔
سورتکل پولس ذرائع کے مطابق مہلوک محمد فہد کے متعلق بتایا گیا ہے کہ منگلورو کے سویگی میں یہ کام کرتاتھا۔ 19جون کو کام پر جانے کے لئے گھر سے نکلا، ہلینگڑی کے قریب پاونجے برج پر اپنی بائک کھڑی کرنے کے بعد اپنی ذاتی وجہ سے خود کشی کیا ہے۔ سورتکل کی پولس 19جون کو برج پر بائک کا پتہ چلنے کے بعد اس کے مالک کی تلاش میں تھی۔
19جون کو کام کے لئے گیا ہوا محمد فہد گھر نہیں لوٹاتھا۔ گھر والوں نے اس کی تلاش کی لیکن کہیں نہیں ملا۔ اب گھر والوں نے نعش کی تصدیق کی ہے۔ محمد فہد کے تعلق سے بتایاگیا ہے کہ وہ بھارتی فوج میں شامل ہونے کی خواہش رکھتاتھا جس کے لئے مدھیہ پردیش کے بھوپال میں ملٹری ٹریننگ کے لئے بھی گیا تھا۔ کورونا کے چلتے وہ گھر واپس ہواتھا۔ وہ دوبارہ تربیت کو جانےکی تیاری میں تھا اچانک خود کشی کئےجانے سے گھروالے بھی حیران ہیں۔