لوک سبھا پولنگ کے اوقات میں تبدیلی کی عرضی خارج

Source: S.O. News Service | By Shahid Mukhtesar | Published on 14th May 2019, 12:23 PM | ملکی خبریں |

نئی دہلی،14؍مئی (ایس او نیوز؍یواین آئی) سپریم کورٹ نے لوک سبھا انتخابات کی پولنگ کا وقت صبح سات بجے کے بجائے صبح پانچ بجے کرنے کی عرضی پیر کو خارج کردی۔وکیل محمد نظام پاشا نے رمضان المبارک کے مدنظر سپریم کورٹ میں لوک سبھاانتخابات کی پولنگ کا وقت صبح سات بجے کی جگہ صبح پانچ بجے کیے جانے کیلئے عرضی دائر کی تھی۔ پہلے یہ عرضی چیف جسٹس رنجن گوگوئی کی بنچ کے سامنے پیش کی گئی تھی۔چیف جسٹس نے عرضی کو انتخابی کمیشن کوبھیجتے ہوئے اس پر مناسب حکم دینے کی ہدایت دی تھی۔اتخابی کمیشن نے پولنگ کے اوقات میں تبدیلی کی عرضی کو منظو رنہیں کیا۔اس کے بعد عرضی گزار نے پھر سپریم کورٹ میں اپنی عرضی دائر کی۔ جسٹس اندربنرجی اور جسٹس سنجیوکھنہ کی تعطیلی ڈویژن بنچ کا ماننا تھاکہ یہ معاملہ انتخابی کمیشن کے دائرہ اختیار میں ہے۔اس کے بعد بنچ نے پولنگ کے اوقات میں تبدیلی کرنے کی عرضی خارج کردی۔

ایک نظر اس پر بھی

ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔