سپریم کورٹ نے راہل گاندھی سے صفائی مانگی ہے، ہم دیں گے: کانگریس

Source: S.O. News Service | By Shahid Mukhtesar | Published on 15th April 2019, 11:02 PM | ملکی خبریں |

نئی دہلی، 15 اپریل(ایس او نیوز؍آئی این ایس انڈیا) کانگریس نے رافیل معاملے سے منسلک راہل گاندھی کے ایک تبصرہ پر جواب مانگے جانے کے بعد پیر کو کہا کہ عدالت عظمی نے پارٹی صدر سے وضاحت طلب کی ہے اور دیا جائے گا۔اس بارے میں پوچھے جانے پر کانگریس کے سینئر لیڈر کپل سبل نے نامہ نگاروں سے کہاکہ عدالت نے وضاحت طلب کی ہے،ہم وضاحت دیں گے۔ دراصل سپریم کورٹ نے پیر کو واضح کیا کہ رافیل معاملے میں فیصلے کے بارے میں راہل گاندھی کی طرف سے میڈیا میں کئے گئے تبصرے غلط طریقے سے عدالت عظمی کی طرف منسوب کء گئے ہیں اور اس کے ساتھ ہی اس نے کانگریس صدر کو 22 اپریل تک اپنی وضاحت دینے کی ہدایت دی ہے۔عدالت نے کہا کہ وہ عدالت کے نام سے کئے گئے کچھ تبصرے، جو رافیل فیصلے میں نہیں ہیں، کے لئے راہل گاندھی کے خلاف توہین عدالت کے لیے بی جے پی لیڈر میناکشی لیکھی کی درخواست پر غور کرے گی۔غور طلب ہے کہ کانگریس صدر نے 10 اپریل کو دعوی کیا تھا کہ سپریم کورٹ نے یہ صاف کر دیا ہے کہ وزیر اعظم نریندر نے چوری کی ہے۔

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔