آئی پی ایل 2020: بنگلورو کی ایک اور شکست، حیدرآباد خیمہ پرجوش!

Source: S.O. News Service | Published on 1st November 2020, 11:07 AM | اسپورٹس |

ابوظہبی،یکم نومبر(ایس او نیوز؍ایجنسی) ہفتہ کے روز کھیلے گئے پہلے میچ کی طرح ہی دوسرا میچ بھی کم اسکور والا اور یکطرفہ ثابت ہوا جس میں سنرائزرس حیدر آباد نے رائل چیلنجرس بنگلورو کو 5 وکٹ سے بہ آسانی شکست دے دی۔ حیدر آباد کے کپتان ڈیوڈ وارنر نے ٹاس جیت کر پہلے گیندبازی کرنے کا فیصلہ کیا تھا جو بہت صحیح ثابت ہوا جب مقررہ 20 اوور میں 9 وکٹ کے نقصان پر بنگلور صرف 120 رن بنانے میں کامیاب ہوئی۔ جیت کے لیے 121 رنوں کا ہدف حیدر آباد نے محض 5 وکٹ کے نقصان پر 14٫1 اوور میں ہی حاصل کر لیا۔

بنگلورو کی بلے بازی شروع سے ہی خراب رہی کیونکہ محض 28 رن کے اسکور پر ہی دیودت پڈیکل اور کپتان وراٹ کوہلی پویلین لوٹ گئے۔ پڈیکل نے 5 رن اور کوہلی نے 7 رن بنائے۔ سلامی بلے باز جوش فلپی کا ساتھ اے بی ڈیویلیرس نے اچھا دیا، لیکن ٹیم کا اسکور جب 71 رن تھا تو وہ 24 گیندوں پر 24 رن بنا کر آؤٹ ہو گئے۔ اس وقت گیارہ اوور ہو گئے تھے اور ٹیم کو رنوں کی رفتار بڑھانے کی بھی ضرورت تھی۔ بنگلور اگلے ہی اوور میں جوش فلپی کی شکل میں زبردست جھٹکا لگا جو ابھی تک کافی اچھی بلے بازی کر رہے تھے۔ انھوں نے 31 گیندوں پر 4 چوکوں کی مدد سے 32 رن بنائے۔

بعد ازاں واشنگٹن سندر اور گرکیرت سنگھ چھوٹی چھوٹی، لیکن انتہائی اہم پاری کھیلی۔ بقیہ بلے بازوں نے شیدائیوں کو مایوس ہی کیا۔ سندر نے 18 گیندوں پر 21 رن بنائے، جب کہ گرکیرت 24 گیندوں پر 15 رن بنا کر ناٹ آؤٹ رہے۔ مورس 3 رن اور اڈانا بغیر کوئی رن بنائے پویلین لوٹ گئے۔ محمد سراج 3 گیندوں پر 2 رن بنا کر ناٹ آؤٹ رہے۔

حیدر آباد کی طرف سے سبھی گیندبازوں نے وکٹ حاصل کیے اور سب سے کفایتی گیندبازی نٹراجن نے کی جنھوں نے 4 اوور میں محض 11 رن دے کر 1 وکٹ لیا۔ سندیپ شرما نے 4 اوور میں 20 رن دے کر 2 وکٹ، جیسن ہولڈر نے 4 اوور میں 27 رن دے کر 2 وکٹ، شہباز ندیم نے 4 اوور میں 35 رن دے کر 1 وکٹ اور راشد خان نے 4 اوور میں 24 رن دے کر 1 وکٹ لیے۔

حیدر آباد کی بلے بازی کی شروعات بھی اچھی نہیں کہی جائے گی کیونکہ کپتان ڈیوڈ وارنر محض 8 رن بنا کر واشنگٹن سندر کا شکار بن گئے۔ لیکن اس کے بعد سلامی بلے باز ردھیمان ساہا اور منیش پانڈے نے ٹیم کو نہ صرف مضبوطی عطا کی بلکہ تیزی کے ساتھ رن بھی بنائے۔ تیزی سے رن بنانے کی کوشش میں ہی منیش پانڈے 19 گیندوں میں ایک چھکا اور 3 چوکے کی مدد سے 26 رن بنانے میں کامیاب ہوئے۔ منیش اور ساہا کے درمیان 5٫2 اوور میں 50 رنوں کی شراکت داری ہوئی۔

منیش پانڈے کے آؤٹ ہونے کے بعد کین ولیمسن ساہا کا ساتھ دینے کے لیے میدان میں آئے، لیکن جب ٹیم کا اسکور 87 رن پہنچا تب تک دونوں کھلاڑی پویلین لوٹ گئے، اور بنگلورو کسی جادو کی امید لگا بیٹھا تاکہ میچ جیت کر پلے آف میں جگہ بنائی جائے۔ پہلے ساہا 32 گیندوں پر شاندار 39 رن بنا کر یجویندر چہل کا شکار ہوئے، اور پھر کین ولیمسن محض 8 رن بنا کر آؤٹ ہو گئے۔ جیسن ہولڈر کی تعریف کرنی ہوگی جنھوں نے 10 گیندوں میں 3 چھکوں اور 1 چوکے کی مدد سے تیز طرار ناٹ آؤٹ 26 رن بنا کر ٹیم کی جھولی میں 2 پوائنٹ ڈال دیے۔ اس درمیان ابھشیک شرما 8 رن بنا کر آؤٹ ہوئے جب کہ عبدالصمد بغیر کوئی رن بنائے ناٹ آؤٹ رہے۔

گیندبازی میں بنگلورو کی طرف سے یجویندر چہل سب سے کامیاب رہے جنھوں نے 3٫1 اوور میں 19 رن دے کر 2 وکٹ لیے۔ 1-1 وکٹ واشنگٹن سندر، نودیپ سینی اور اوسورو اڈانا کو حاصل ہوا جنھوں نے بالترتیب 3 اوور میں 21 رن، 2 اوور میں 30 رن اور 3 اوور میں 20 رن دیے۔ علاوہ ازیں محمد سراج نے 1 اوور میں 12 رن دیے اور کرس مورس نے 2 اوور میں 19 رن دیے، ان دونوں کو کوئی وکٹ حاصل نہیں ہوا۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...