سنڈے لاک ڈاؤن اگست کے دوران بھی جاری رہے گا

Source: S.O. News Service | Published on 27th July 2020, 12:19 PM | ریاستی خبریں | ان خبروں کو پڑھنا مت بھولئے |

بنگلورو، 27؍جولائی (ایس او نیوز)ریاستی حکومت کی طرف سے کورونا وائرس کو روکنے کے لئے ماہ جون اور جولائی کے دوران ہر اتوار لاک ڈاؤن کرنے کا سلسلہ شروع کیا گیا تھا اس کا امکان ہے کہ ماہ اگست کے دوران بھی جاری رکھا جائے گا۔

بتایا جاتا ہے کہ وزیر اعلیٰ بی ایس یڈیورپا نے اس بات پر رضا مندری ظاہر کی ہے کہ ماہ اگست کے دوران تمام اتواروں کو لاک ڈاؤن کا سلسلہ جاری رکھا جائے ۔ لوگوں کو خاص طور پر تجارتی طبقہ کو یہ امید تھی کہ اتوار کو لاک ڈاؤن کرنے کا سلسلہ 31 ؍ جولائی کو ختم ہوجائے گا لیکن اب سرکاری ذرائع نے اشارے دیئے ہیں کہ ریاست بھر میں بالخصوص شہر بنگلورو میں کورونا وائرس کے کیس جس تعداد میں سامنے آرہے ہیں اسے دیکھتے ہوئے اتوار کے ہفتہ واری لاک ڈاؤن کے سلسلہ کو مزید چند ماہ کے لئے آگے بڑھایا جانا نا گزیر ہے۔

ریاستی وزیر برائے آفات سماوی و مالگزاری آر اشوک نے کہا کہ ریاستی انتظامیہ کی طرف سے اس بات پر سنجیدگی سے غور کیا جارہا ہے کہ کورونا وائرس کو روکنے کے لئے مؤثر اقدامات کی کڑی کے طور پر سنڈے لاک ڈاؤن کو کم سے کم ماہ اگست کے اختتام تک جاری رکھا جائے۔ وزیر اعلیٰ بی ایس یڈیورپا سے اس سلسلہ میں بات ہوئی ہے اور انہوں نے اس پر ضا مندری ظاہر کی ہے۔

ایک نظر اس پر بھی

کانگریس اور جے ڈی ایس لینڈریفارم ترمیمی ایکٹ کی سخت مخالف، کسانوں کے حقوق اورزمین کی حفاظت کیلئے جدوجہدکریں گے:سدارامیا

کسانوں کے حقوق کے ساتھ ان کی زمینوں سے بھی بے دخل کرنے پرآمادہ ریاستی حکومت کے لینڈریفارم ایکٹ کے ترمیمی مسودہ کے خلاف اسمبلی سیشن میں نہایت سختی کے ساتھ آوازاٹھائیں گے۔

یلاپورمیں بھیانک سڑک حادثہ؛ لاری کی ٹکر میں کار پر سوار چاروں لوگ ہلاک

 ضلع اُترکنڑا کے یلاپور نیشنل ہائی وے پر ہوئے ایک بھیانک سڑک حادثے میں ایک ہی خاندان کے چار افراد جائے وقوع پر ہی ہلاک ہوگئے جن کی شناخت  روی نائر (58)، پشپا روی نائر (55)، ہریندرناتھ نائیر (62) اور پدماکشی نائیر (86) کی حیثیت سے کی گئی ہے۔

مودی-نتیش قسم کسانوں کی کھاتے ہیں اور دوستی سرمایہ داروں سے نبھاتے ہیں: کانگریس

کانگریس جنرل سکریٹری اور پارٹی کے میڈیا سیل انچارج رندیپ سنگھ سرجے والا نے جمعرات کو پٹنہ میں زرعی بلوں کو لے کر مرکزی حکومت اور حکومت بہار کے خلاف محاذ کھولتے ہوئے کہا کہ مودی جی اور نتیش بابو قسم کسانوں کی کھاتے ہیں اور دوستی مٹھی بھر سرمایہ داروں سے نبھاتے ہیں۔