سبرامنیا میں 17سالہ لڑکی کی عصمت دری۔پولیس نے کیا 4ملزمین کوگرفتار
سولیا12/فروری(ایس او نیوز)سرامنیا میں ہوئے 17سالہ لڑکی کے عصمت دری معاملے میں چار نامزد ملزمین کو پولیس نے گرفتار کرلیاہے۔بتایا جاتا ہے کہ جب لڑکی حاملہ ہوگئی اور ملزمین نے اسے حمل ساقط کرنے والی گولیاں دیں۔ جسے کھانے کے بعد لڑکی کاحد سے زیادہ خون بہنے لگااور اسپتال لے جایاگیاتو عصمت دری کا معاملہ سامنے آیا۔
لڑکی کے والدین نے ان چاروں ملزمین کے خلاف پولیس میں شکایت درج کروائی تو پولیس نے تحقیقات کے بعد کارروائی کرتے ہوئے انہیں گرفتار کرلیا ہے۔پولیس کا کہنا ہے کہ لڑکی نے ابتدائی تفتیش کے دوران سنکیت اور وینکٹیش کے نام بتائے تھے۔لیکن بعد میں اس نے دیکیش، چندرا شیکھر، درگا پرساد اور اشوک کے نام بھی بتائے۔
معلوم ہوا ہے کہ درگا پرساد اور چندراشیکھر لاپتہ ہوگئے ہیں، جبکہ بقیہ چار ملزمین پولیس کی حراست میں ہیں۔قانونی طور پر لڑکی نابالغ ہونے کی وجہ سے پولیس نے ملزمین کے خلاف پوکسو قانون کے تحت کیس درج کرلیا ہے۔مزید تحقیقات جاری ہے۔