سولیا: غیر قانونی طور پر بندوق تیار کرنے والا شخص تین خریداروں کے ساتھ ہوا گرفتار
سولیا ،11؍مئی (ایس او نیوز) غیر قانونی طور پر بندوقیں تیار اور فروخت کرنے کے الزام میں سولیا تعلقہ کے نلکور گاوں میں رہنے والے دیواکر اچاری (52 سال) کو گرفتار کیا ۔ اس کے علاوہ اس سے بندوقیں خریدنے والے تین لوگوں کو بھی پولیس نے اپنی گرفت میں لے لیا ۔
موصولہ رپورٹ کے مطابق مصدقہ اطلاعات کی بنیاد پر کارروائی کرتے ہوئے سولیا پولیس کی ٹیم نے چھاپہ ماری کی اور دیواکر اچاری کو ایک دیسی بندوق اور ایک کارتوس سمیت گرفتار کرلیا۔ پھر اس سے پوچھ تاچھ کے نتیجہ میں اشوک (35سال)، کارتھک (25 سال) اور چندن (33 سال) گرفتار کرلیا جن پر الزام ہے کہ انہوں نے دیواکر اچاری سے بندوقیں خریدی تھیں۔ ان ملزمین کے قبضے سے بھی دیسی بندوقیں بر آمد کی گئیں ۔ پولیس نے چاروں ملزمین خلاف کیس درج کر لیا ہے ۔ مزید تحقیقات جاری ہے۔