سولیا پولیس نے کیا 13برسوں سے مفرور ملزم کو گرفتار
بنٹوال 30/ستمبر (ایس او نیوز) سولیا پولیس نے ایک ایسے ملزم کو گرفتار کرنے میں کامیابی حاصل کی ہے جو گزشتہ 13برس سے مفرور تھا۔ گرفتار شدہ ملزم کا نام احمد رفیق ہے کاسرگوڈ کے قریب کوڈلوگاؤں کا رہنے والا ہے۔
بتایاجاتا ہے کہ سال 2005عیسوی میں احمد رفیق کے خلاف فحاشی اور عریانیت سے متعلق ایک معاملہ دفعہ نمبر 292(2)کے تحت درج کیا گیا تھا۔ مگر وہ مسلسل رہنے کی وجہ سے طویل عرصے سے پڑے ہوئے کیس(LPC) میں تبدیل ہوگیا تھا۔عدالت سے وارنٹ جاری ہونے کے باوجود ملزم فراتھا جس کی تلاش میں پولیس سرگرداں تھی۔ مصدقہ اطلاع کی بنیاد پر کارروائی کرتے ہوئے30ستمبر کو سولیا پولیس اسے گرفتار کرنے میں کامیاب ہوگئی۔