بم دھماکوں کے ملزمین نے 3ہندوستانی شہروں کے دورے کئے:سری لنکا آرمی چیف

Source: S.O. News Service | By Shahid Mukhtesar | Published on 6th May 2019, 11:54 AM | ملکی خبریں | عالمی خبریں |

کولمبو،6؍مئی (ایس او نیوز؍یواین آئی) گزشتہ دنوں سری لنکا میں ایسٹر کے موقع پر ہونے والے دھماکوں کے پس منظر میں ملک کے آرمی چیف نے نامزد ملزمان کے حوالہ سے انکشاف کیا ہے کہ انہوں نے”تربیت یا غیرملکی تنظیموں سے رابطوں کیلئے“ہندوستان کے تین شہروں کے دورے کئے -میڈیا رپورٹوں کے مطابق لیفٹننٹ جنرل مہیش سینانائیکے نے بی بی سی کو دئیے گئے ایک انٹرویو میں مبینہ خود کش حملہ آوروں کے حوالے سے کہا کہ ہمیں دستیاب اب تک کی اطلاعات کے مطابق حملہ میں ملوث ملزمان ہندوستان کا دورہ کر چکے تھے، وہ ہندوستان کے کشمیر، بنگلور اور ریاست کیرلا بھی گئے تھے -حملہ آوروں کے داعش سے تعلق کے حوالہ سے ایک سوال پر سینانائیکے کا کہنا تھا کہ ان کی قیادت کے دورہ کے مقامات، حملے کے طریق کار اور نشانہ بنائی جانے والی جگہوں کو دیکھتے ہوئے اس میں بیرونی عناصر ملوث تھے یا ہدایات موصول ہو رہی تھیں -انہوں نے حملوں سے قبل معلومات کے حوالے سے کہا کہ فوجی انٹیلی جنس مختلف پہلوؤں کو دیکھنا چاہتی ہے جبکہ دیگر دوسری سمت جانا چاہتے ہیں اسی میں ایک خلا تھا جس کو آج سب دیکھ سکتے ہیں -سری لنکا کے آرمی چیف نے کہا کہ میرا ماننا ہے کہ ہر وہ شخص جو انٹلی جنس کے حصول، اس منصوبہ بندی اور قومی سلامتی کا ذمہ دار تھا ان پر الزام ہوگا جس میں سیاسی قیادت بھی شامل ہے-حملوں میں کوتاہیوں کے حوالہ سے بات کرتے ہوئے ان کا کہنا تھا کہ گزشتہ دس برسوں کے دوران بہت زیادہ آزادی اور امن تھا اور لوگ یہ بھول گئے کہ پچھلے30برسوں میں کیا ہوا تھا اسی طرح لوگ امن سے مستفید ہورہے تھے اور سلامتی کو نظر انداز کر بیٹھے تھے -سری لنکا کے کمانڈر نے کولمبو میں بدترین واقعات کے باوجود اپنے ملک کو پرامن قرار دیا جہاں دنیا بھر سے لوگ بلا خوف سیاحت کے لئے آسکتے ہیں -ان کا کہنا تھا کہ سری لنکا ایک ایسا ملک ہے جو26سال تک لڑتا رہا، اس دوران جن حالات کا سامنا کیا وہ آج کی دہشت گردی کے مقابلہ میں بہت زیادہ مشکل تھے-لیفٹننٹ جنرل مہیش سینانائیکے کا کہنا تھا کہ عوام کے اعتماد کو بحال رکھنے کے لئے ہم میدان میں تعینات ہیں تاکہ اس بات کو یقینی بنایا جائے کہ اس ملک میں کوئی جرم یا نسلی فسادات نہیں ہیں -ان کا کہنا تھا کہ ’مجھے سکیورٹی فورسز پر اعتماد ہے اور پولیس جتنا ممکن ہو جلد اس ملک میں معمولات بحال کرے گی-یاد رہے کہ21اپریل کو کولمبو میں ایسٹر کے موقع پر گرجا گھروں اور ہوٹلوں میں یکے بعد دیگرے 8بم دھماکوں کے نتیجے میں 300سے زائد افراد ہلاک اور سینکڑوں زخمی ہوگئے تھے -کولمبو میں دہشت گردی پر دنیا بھر سے مذمتی بیانات دئیے گئے تھے اور تفتیش میں تعاون کی پیش کش کی گئی تھی جہاں امریکہ، آسٹریلیا، برطانیہ، نیدرلینڈز سمیت کئی ممالک سے آئے ہوئے سیاح بھی ہلاک افراد میں شامل تھے -کولمبو حملوں کے بعد ایک رپورٹ میں انکشاف کیا گیا تھا کہ سری لنکا کے پولیس چیف نے10روز قبل خبردار کیا تھا کہ ملک کے مختلف علاقوں میں قائم مسیحی عبادت گاہوں کو خود کش بمبار نشانہ بنا سکتے ہیں -پولیس چیف پنجوتھ جواساندارا نے11اپریل کو حکام کو ایک خفیہ اطلاع دی تھی جس میں اس حوالہ سے خبردار کیا گیا تھا-انٹلی جنس معلومات میں کہا گیا تھا کہ غیر ملکی انٹیلی جنس ایجنسی نے رپورٹ دی ہے کہ نیشنل توحید جماعت (این ٹی جے) کولمبو میں معروف مسیحی عبادت گاہوں اور انڈین ہائی کمشنر پر حملے کا منصوبہ بنا رہی ہے -

ایک نظر اس پر بھی

بابری مسجد ملکیت کا معاملہ؛ مقدمہ کی سماعت آخری مرحلے میں، ایڈوکیٹ ڈاکٹر راجیو دھون پیر کو کریں گے بحث ؛ 17 اکتوبر تک تمام فریقین کو بحث مکمل کرنے کے احکامات

بابری مسجد حق ملکیت معاملہ کی سماعت کل پیر سے ایک بار پھرشر وع ہونے جارہی ہے، حتمی بحث کا یہ 38 واں دن ہوگا جس کے دوران سوٹ نمبر 4 پر مسلمانوں کی نمائندگی کرنے والے  وکیل ڈاکٹر راجیو دھون اپنی نا مکمل بحث کا آغاز کریں گے۔گذشتہ ایک ہفتہ سے دسہرے کی تعطیلات کی وجہ سے عدالت کی ...

سول سوسائٹی کے ارکان کے ساتھ مل کر جماعت اسلامی ہند وفد کا کشمیر دورہ، کشمیر کے مسائل پر عام لوگوں سے کی گفتگو

سول سوسائٹی اور جماعت اسلامی ہند کے   ذمہ داران پر مشتمل ایک وفدنے مورخہ7/ اکتوبر سے 10/ اکتوبر کے درمیان کشمیر کا دورہ کیا اور وہاں کے حالات کا جائزہ لینے کے بعد پریس ریلیز جاری کرتے ہوئے بتایا کہ ابھی بھی کشمیر میں عوام بے حد پریشان ہیں اور کئی مسائل کا سامناکررہے ہیں۔ ریلیز ...

’وعدے پورے نہیں کرنے والی بی جے پی کو ووٹ مانگنے کا کوئی حق نہیں‘: رامیشور راؤ

جھارکھنڈ ریاستی کانگریس کمیٹی کے صدر اور سابق ممبر پارلیمنٹ رامیشور راؤ نے الزام لگاتے ہوئے آج کہا ہے کہ ریاست کے وزیراعلی رگھوبر داس کی قیادت میں بھارتیہ جنتا پارٹی (بی جے پی) کی حکومت گزشتہ پانچ برسوں میں وعدے پورے کرنے میں ناکام رہی ہے اس لئے اسے عوام سے ووٹ مانگنے کا کوئی ...

کانگریس رکن بننے پر فخر محسوس کر رہی ہوں: الکا لامبا

گزشتہ اسمبلی انتخابات میں دہلی کی چاندنی چوک سے عام آدمی پارٹی کے ٹکٹ پر اسمبلی پہنچنے والی الکا لامبا ہفتہ کو کانگریس میں واپس آگئیں۔ کانگریس کے پارٹی معاملات کے دہلی کے انچارج پی سی چاکو کی موجودگی میں محترمہ لامبا نے پارٹی کی رکنیت حاصل کی۔ کانگریس کی طلبا یونین کی تنظیم ...

کشمیر میں مواصلاتی پابندی، اہلیان کشمیر پر قہر سامانیوں کی داستان

وادی کشمیر میں گزشتہ زائد از دو ماہ سے موبائل فون اور انٹرنیٹ خدمات پر پابندی، جو ہنوز جاری ہے، کے دوران اہلیان وادی کو جن متنوع مصائب و گوناگوں مشکلات سے دوچار ہونا پڑا ان مصائب ومشکلات سے نصف صدی قبل کے لوگ بھی دوچار نہیں تھے۔