بھٹکل: سبرائے دیواڑیگا تعلقہ بی جے پی صدر نامزد
بھٹکل:10؍دسمبر(ایس اؤ نیوز) تعلقہ بی جے پی صدر کی حیثیت سے سبرائے ناگپا دیواڑیگا کی نامزدگی تقریباً تصدیق ہوچکی ہے بس مصدقہ اعلان ہونا باقی ہے۔
بی جےپی کی طلبا تنظیم اے بی وی پی کے ذریعے سنگھ پریوار سے جڑنے والے سبرائے دیواڑیگا پچھلی میعاد میں بھٹکل بی جےپی کے جنرل سکریٹری کی حیثیت سے کام کا تجربہ رکھتے ہیں۔ پارٹی لیڈران اور رکن اسمبلی سے رائے مشورہ کرنے کے بعد سبرائے دیواڑیگا کے نام پر مہر لگائی گئی ہے البتہ پارٹی کی طرف سے مصدقہ طورپر اعلان ہونا باقی ہے۔ اس سلسلے میں اپنی رائے ظاہر کرتے ہوئے سبرائے دیواڑیگا نے اگر موقع دیا جاتاہے تو چھوٹے، بڑے لیڈران ، کارکنان کو کی رہنمائی میں پارٹی کو مستحکم کرنے کے لئے ایماندارانہ کوشش کئے جانےکی بات کہی ہے۔