بھٹکل:02؍اکتوبر(ایس اؤ نیوز) 150ویں گاندھی جینتی کے موقع پر بروز بدھ کوانوکھا پروگرام منعقد کرتے ہوئے نیو شمس اسکول میں اسکول کی 13خاتون صفائی عملے کی شال پوشی کے ذریعے تہنیت کی گئی ۔
تہنیت قبول کرنے کے بعد گیتا نائک ،حاضرہ بی نے اپنے خیالات کااظہارکرتےہوئے طلبا کی ستائش کی اور کہا کہ ہم روزانہ اسکول کی صفائی کرتے ہوئے خوبصورت رکھنے کی کوشش کرتےہیں، البتہ بچوں کی طرف سے اس طرح کے تحفہ کی امید نہیں تھی ، جس طرح آج ہم تمام کی عزت افزائی کی گئی ہم اس کے لئے انتظامیہ ، تدریسی عملہ اور خاص کر بچوں کے شکر گزار ہیں اور بچوں کے حق میں دعاگوبھی ہیں کہ وہ تعلیمی طورپر اعلیٰ منزلوں پرپہنچیں۔ ان کے علاوہ جینتی موگیر، شبینہ سارہ، بی بی آسما، شمشاد بیگم، ممتاز شیخ، زینت، دیپا موگیر، کوملا موگیر، موکامبیکا، یاسمین اور ناگما کی شال پوشی، پھول مالا پہنا کر ان کی تہنیت کی گئی ۔ ابتداء میں پرنسپال فہمیدہ ڈاٹا نے خطاب کرتے ہوئے گاندھی جینتی اور صفائی کے متعلق اپنے خیالات کا اظہار کیا۔