مینگلور کے قریب پُتور میں پھر طلبہ پر حملہ؛ ترشول گھونپے جانے سے دو طلبہ شدید زخمی

Source: S.O. News Service | By I.G. Bhatkali | Published on 25th November 2021, 1:07 AM | ساحلی خبریں |

مینگلور 24 نومبر (ایس او نیوز) ضلع جنوبی کینرا میں  اقلیتی طبقہ سے تعلق رکھنے والے طلبہ پر حملے  برابر جاری ہے، تازہ واردات پُتور میں پیش آیا جہاں اکھل بھارتیہ ودھیارتھی پریشد (اے بی وی پی)  کی جانب سے ہورہے احتجاج کے دوران  دو طلبہ پر ترشول کے ذریعے حملہ کیا گیا جنہیں اسپتال میں بھرتی کرایا گیا ہے۔ پتور سرکاری پرے یونیورسٹی کالج میں بدھ کو احتجاج کے دوران  یہ واردات پیش آئی ہے۔

زخمی طلبہ کی شناخت محمد عمران اور کیف اللہ کی حیثیت سے کی گئی ہے جو پی یو سی  کے طالب علم  ہیں۔ پتہ چلا ہے کہ دونوں طلبہ کے پیٹھ پر ترشول گھونپ کر دونوں کو شدید زخمی کیا گیا ہے۔

یاد رہے کہ منگل کو پتور  سرکاری پی یوکالج کے ایک مسلم طالب علم پر اسی کالج کے دیگر طلبا کے ایک گروہ نے  حملہ کیا تھا جس  کو پتور سرکاری اسپتال میں علاج کے لئے داخل کیاگیا  تھا، پتہ چلا ہے کہ اسی واقعے کو لے کر  کالج کی جانب سے بعض طلبہ کو سسپنڈ کیا گیا، طلبہ کو سسپنڈ کرنے پر ناراض  اے بی وی پی نے آج بدھ کو   کالج کے احاطہ میں احتجاج کیا، جس کے دوران دو طلبہ پر ترشول کے ذریعے حملہ کرنے کا معاملہ سامنے آیا۔

دو طلبہ کو شدید زخمی کرنے کے تعلق سے  پُتور پولس تھانہ میں معاملہ درج کیا گیا ہے۔

 

اس نیوز سے ملتی جلتی  رپورٹ، جو اس سے پہلے شائع ہوئی تھی:

پتور: پی یو کالج طلبا کے درمیان مارپیٹ : حملہ کا شکار متعلم اسپتال میں داخل

 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...