آئیٹا کی جانب سے دس روزہ ریاست گیر مہم”صحت مند معلم-صحت مند تعلیم“کا افتتاح

Source: S.O. News Service | Published on 19th September 2022, 11:05 AM | ریاستی خبریں |

بنگلورو، 19؍ستمبر (ایس او نیوز؍راست)”درس و تدریس ایک مقدس پیشہ ہے۔ پیارے نبی صلی اللہ علیہ وسلم نے اسے اعزاز بخشا ہے۔آپؐ نے فرمایا، انسان دو چیزوں سے ہمیشہ غفلت برتتا ہے، ایک فراغت اور دوسرا صحت۔صحت قدرت کی عطا کردہ بڑی نعمت ہے۔اس کی طرف سے لاپرواہی برتنا خدا کی ناشکری کرنا ہے۔ معلم کی صحت اگر ٹھیک نہیں تو ظاہر بات ہے کہ وہ یکسوئی کے ساتھ کمرہئ جماعت میں اپنے پیشے سے انصاف نہیں کر سکتا۔وہ چراغ کی مانند،باغ کی مالی کی کیفیت سے نئی نسل کی تعمیر میں مثبت رول ادا نہیں کر سکتا۔اس لیے معلم صحت مند ہو تو تعلیم بھی صحت مند ہو سکتی ہے“ان خیالات کا اظہار ڈاکٹر ثناء اللہ شریف، وظیفہ یاب پروفیسر و صدرAIITA بنگلور،آئیٹا کے زیرِ اہتمام ریاست گیر مہم کے افتتاحی پروگرام میں کر رہے تھے۔

17ستمبر بروز ہفتہ، آل انڈیا آئیڈیل ٹیچرس اسوسی ایشن،کرناٹک کی جانب سے دس روزہ ریاست گیر مہم بعنوان”صحت مند معلم-صحت مند تعلیم“کا افتتاح ایکسلنٹ انگلش اسکول، بنگلور عمل میں آیا۔حال ہی میں ڈپارٹمنٹ آف ایجوکیشن اور صحت کی جانب سے ریاست بھر میں اسکول ٹیچرس کی صحت کی مجموعی صورتحال معلوم کرنے کیلئے ایک سروے کیا گیا۔سروے رپورٹ سے معلوم ہوا کہ تقریباً ساٹھ فیصد ٹیچرس بی پی اور شوگر جیسی بیماریوں کا شکا ر ہیں۔اس کے علاوہ ٹیچرس کی ایک کثیر تعداد دل،گردے، پتہ وغیرہ سے متعلق بیماریوں کا شکار پائے گئے۔ علاوہ ازیں، فیصد ٹیچر کینسر جیسی بیماریوں میں مبتلا پائے گئے۔ٹیچرس کی ایک بڑی تعداد جسمانی صحت کے علاوہ، دماغی صحت کے مسائل سے بھی دوچار پائے گئے۔رپورٹ کے مذکورہ نتائج کو سامنے رکھتے ہوئے آئیٹا کرناٹک نے16 ستمبر تا25 ستمبر2022 اس مہم کا آغاز کیا۔

پروفیسر شیخ ہارون صفدر، ناظمِ شہر جماعت اسلامی ہند، بنگلور نے پوسٹر ریلیز کے ذریعہ مہم کا افتتاح کرتے ہوئے کہا کہ کووڈ کے دوران تعلیم کا شعبہ دوسرے شعبوں کے مقابلہ میں زیادہ متاثر رہا۔ انھوں نے کہا کہ آئیٹا نے بروقت بہت ہی موزوں عنوان پر اس مہم کا فیصلہ لیا ہے۔ڈاکٹر ایم منجولا، کلینکل سائکو لوجسٹ، NIMHANS اس پروگرام میں بحیثیت مہمان خصوصی شریک تھے۔آپ نے اساتذہ کی ایک کثیر تعداد کو بعنوان”Stress Management for Teachers“خطاب کیا۔آپ نے اساتذہ کو مثبت اور منفی تناؤ کے بارے میں بتایا۔منفی تناؤ صحت کے لیے نقصان دہ جبکہ مثبت تناؤ ہماری زندگی میں ترقی اور حوصلہ افزائی کے لیے ضروری ہے۔آپ نے اساتذہ کو مشورہ دیا کہ صحت مند غذا لیں، نیند مناسب مقدار میں لیں اور روزانہ پابندی کے ساتھ ہلکی پھلکی جسمانی ورزش کریں۔

رضا مانوی، صدر آئیٹا کرناٹک نے اپنی صدارتی تقریر میں کہا کہ آئیٹا ایک ملک گیر اسو سی ایشن ہے۔پرائمری سے لے کر یونیورسٹی کی سطح کے تمام معلمین اس کے ارکان ہیں۔یہ صرف اساتذہ کی مانگوں کو لے کر چوراہوں پر آنے یا کلاس کا بائیکاٹ کرنے کے لیے نہیں بنی ہے۔ بلکہ تعمیر ملک و ملت میں اساتذہ کے رول کو مثبت انداز میں پیش کرنے اور ان کے مسائل سمجھنے میں بھی دلچسپی رکھتی ہے۔ڈاکٹر بے نظیر بیگ صاحبہ، فاؤنڈر سکریٹری،رضا ایجوکیشن سوسائٹی، نے آئیٹا کے اس اقدام کی ستائش کی پروگرام کی شروعات مظہر یحییٰ کی تلاوت قرآن سے ہوئی، صبیحہ نے اظہارِ تشکر کیا اور محبوب الحق نے نظامت کی۔

ایک نظر اس پر بھی

بجٹ 2023: ’کوئی امید نہیں، بجٹ ایک بار پھر ادھورے وعدوں سے بھرا ہوگا‘، سدارمیا کا اظہارِ خیال

یکم فروری کو مرکز کی مودی حکومت رواں مدت کار کا آخری مکمل بجٹ پیش کرنے والی ہے۔ مرکزی وزیر مالیات نرملا سیتارمن کے ذریعہ بجٹ پیش کیے جانے سے قبل بجٹ 2023 کو لے کر کانگریس کے کچھ لیڈران نے اپنے خیالات ظاہر کیے ہیں۔

کرناٹک ہائی کورٹ کی وارننگ، کہا: چیف سکریٹری دو ہفتوں میں لاگو کرائیں حکم

کرناٹک ہائی کورٹ نے منگل کو انتباہ دیا کہ اگر ریاستی حکومت دو ہفتوں کے اندر سبھی گاؤں اور قصبوں میں قبرستان کے لئے زمین فراہم کرانے کے اس کے حکم پر عمل درآمد کرنے میں ناکام رہتی ہے تو وہ چیف سکریٹری کے خلاف توہین عدالت کی کارروائی شروع کرنے پر مجبور ہوجائے گا ۔

منگلورو: محمد فاضل قتل میں ہندوتوا عناصر ملوث ہونے کا دعویٰ - اپوزیشن پارٹیوں نےکیا کیس کی دوبارہ جانچ کامطالبہ 

بی جے پی یووا مورچہ لیڈر پروین نیٹارو قتل کے بدلے میں عناصر کی طرف سے سورتکل میں محمد فاضل کو قتل کرنے کا کھلے عام دعویٰ کرنے والے وی ایچ پی اور بجرنگ دل لیڈر شرن پمپ ویل کے خلاف کانگریس ، جے ڈی ایس اور ایس ڈی پی آئی جیسی اپوزیشن پارٹیوں نے اس قتل کیس کی ازسر نو جانچ کا مطالبہ کیا ...

ٹمکورو میں اشتعال انگیز بیان دینے والے شرن پمپ ویل سمیت دیگر ہندوتوا لیڈروں کے خلاف قانونی کارروائی کا مطالبہ لے کر اے پی سی آر نے ایس پی کو دیا میمورنڈم

حال ہی میں ریاست کرناٹک کے  ٹمکور میں  منعقدہ شوریہ یاترا کے دوران وی ایچ پی لیڈر شرن پمپ ویل نے جو متنازع اور اشتعال انگیز بیان دیا  تھا ، اس پر کٹھن کارروائی کرتے ہوئے اسے گرفتارکرنے کا مطالبہ لے کر  ایسوسی ایشن فار پروٹیکشن آف سوِل رائٹس (اے پی سی آر) کے  ایک وفد نے ٹمکورو ...