بھٹکل میں آوارہ کتوں کی بڑھتی ہوئی تعدادسے عوام پریشان

Source: S.O. News Service | Published on 5th September 2019, 5:57 PM | ساحلی خبریں |

بھٹکل5/ستمبر (ایس او نیوز)بھٹکل تعلقہ میں ایک طرف عوام بارش سے پریشان ہیں۔ دوسری طرف مچھروں کی وجہ وبائی امراض کا خدشہ سر پر منڈلارہا ہے۔ تیسری طرف سڑکوں اور گلیوں میں آوارہ کتوں کے جھنڈ نے عوام کو خوفزدہ کردیا ہے۔

بھٹکل تعلقہ کے دیہاتوں اور شہروں میں ہرجگہ کتوں کے جھنڈ دوڑتے پھرتے نظر آتے ہیں۔ پیدل چلنے والوں اور بچوں پر غراتے ہوئے ان کا پیچھا کرتے ہیں جس سے خوفزدہ ہوکر لوگوں کے گرنے اور زخمی ہوجانے کے واقعات بھی ہورہے ہیں اور کتوں کے کاٹنے وجہ سے لوگوں کو علاج معالجے کے لئے بھٹکل سے باہر بڑے اسپتالوں میں بھیجنے تک کی نوبت آچکی ہے۔ اس وجہ سے اسکول جانے والے طلبہ کے اندر بھی خوف وہراس کی کیفیت دیکھی جاسکتی ہے۔ اکثر وبیشتر ہائی وے اور نیشنل ہائی وے پر اچانک ان کتوں کے درمیان میں آجانے کی وجہ سے کئی حادثات رونما ہوچکے ہیں۔

سڑک کنارے پھینکے گئے کچرے کی تھیلیوں کی چھین جھپٹ اورسڑکوں پر گندگی پھیلانے کے منظر بھی اکثر مقامات پر دیکھے جاسکتے ہیں۔پورا دن سڑکوں اور گلیوں میں آوارہ گردی اور ہنگامہ مچانے کے بعد یہ کتے گروپس بناکر کسی مکان، خالی میدان یا دکانوں کے شیڈس میں پناہ لیتے ہیں اور رات بھر چیخ وپکار اور اودھم مچاتے رہتے ہیں۔گھروں کے باہر رکھی گئی چپلیں اور دیگر اشیاء یہاں سے وہاں لے جانا اور چیر پھاڑ کر دور کہیں پھینک دینارات کے وقت ان کتوں کا محبوب مشغلہ بن گیا ہے۔

حالانکہ اس مسئلے کو کئی بار میڈیا میں اٹھایا گیا ہے۔ بلدیاتی افسران کے علم میں بھی لایا گیا ہے مگرکتوں کی ا س آوارگی اور ہراسانی کے سلسلے میں تعلقہ انتظامیہ کی طرف سے کوئی خاص کارروائی نہیں کی جارہی ہے۔ البتہ زبانی جمع خرچ دکھاتے ہوئے انتظامیہ کی طرف سے یقین دہانی کی جاتی ہے کہ آوارہ کتوں سے ہونے والی ہراسانی پر قابو پالیا گیا مگر حقیقت میں اب تک ایسا کچھ بھی نظر نہیں آتا۔ الٹے دن بدن یہ مسئلہ اور زیادہ گمبھیر ہوتا جارہا ہے۔

ایک نظر اس پر بھی

بھٹکل: شمالی کینراکے ماہی گیروں کے ساتھ ریاستی حکومت سوتیلا سلو ک کررہی ہے۔ ماہی گیر لیڈ ر وسنت کھاروی کا الزام

بھٹکل کے ماہی گیر لیڈر وسنت کھاروی نے الزام لگایا ہے کہ ریاستی حکومت اور وزارت ماہی گیری کی طرف سے اڈپی اور جنوبی کینرا کے مقابلے میں شمالی کینرا کے ماہی گیروں کے ساتھ سوتیلا سلوک کیا جارہا ہے۔

کورونا وباء اور لاک ڈاون کے چلتے دبئی میں پھنسے بھٹکل کے عوام کے لئے زبردست خوش خبری؛ 11 جون کو مینگلور کے لئے نکل رہی ہے چارٹرڈ فلائٹ

کورونا وباء کے بعدلاک ڈاون کے چلتے دبئی اور عرب امارات میں پھنسے بھٹکل اور اطراف کے عوام کے لئے ایک زبردست خوش خبری یہ ہے کہ  بھٹکل کے معروف بزنس مین اور نُہیٰ جنرل ٹریڈنگ کمپنی    کے مالک جناب عتیق الرحمن مُنیری نے  عوام کی تکلیفات کو دور کرنے اور اُنہیں اُن کے وطن  واپس ...

کرناٹک میں سنڈے لاک ڈاون منسوخ؛ کل 31 مئی کو نہیں ہوگا لاک ڈاون؛ عام دنوں کی طرح رہے گی چھوٹ؛ بھٹکل میں بھی صبح سے دوپہر تک کھلیں گی دکانیں

کرناٹک کے وزیراعلیٰ یڈی یورپا نے بیان دیا ہے کہ  ریاست کرناٹک میں  کل 31/مئی اتوار کو گذشتہ اتوار کی طرح لاک ڈاون نہیں رہے گا۔ سنیچر کو بنگلور میں اخبار نویسوں سے گفتگو کرتے ہوئے  یڈی یورپا نے بتایا کہ  اتوار کے لاک ڈاون کو ریاست سے ہٹادیا گیا ہے اور کل اتوار کو دیگر ایام کی طرح ...

منگلورو ایئر پورٹ پر بم رکھنے کا معاملہ ؛ ملزم آدتیہ راؤ سے پوچھ تاچھ کیلئے مرکزی وزارت داخلہ سے اجازت کا انتظار

گودی میڈیا نے منگلورو ایئر پورٹ پر بم رکھ کر تہلکہ مچانے والے سنگھ پریوار سے جڑے نوجوان آدتیہ راؤ کے معاملہ پر پوری طرح اب تک خاموشی اختیار رکھی ہے اور اب تک اس سلسلہ میں کوئی خبر ہی نہیں دی گئی تھی، اس معاملہ پر پردہ ڈالنے کی بھی کوشش جاری ہے ،