بھٹکل 11/جولائی (ایس او نیوز) پڑوسی علاقہ شیرور کے گرین  ویلی نیشنل اسکول نے ہمیشہ کی طرح اس بار بھی شاندار تعلیمی کامیابی حاصل کرنے کا سلسلہ جاری رکھا ہے اور اس بار بھی آئی سی ایس ای(ICSE)  گریڈ X میں  پھر ایک بار صد فیصد کامیابی درج کرتے ہوئے نہ صرف پورے اُڈپی ضلع بلکہ پورے کرناٹک میں اپنے اسکول سمیت علاقہ کا نام روشن کردیا ہے۔ بتایا گیا ہے کہ پندرہویں مرتبہ لگاتار یہ اسکول صد فیصد کامیابی درج کرنے میں کامیاب رہا ہے۔

اسکول کی طرف سے جاری کی گئی پریس ریلیز کے مطابق اس بار 64 طلبا امتحانات میں شریک ہوئے تھے جس میں تمام طلبا فرسٹ کلاس کے ساتھ کامیاب رہے ہیں ساتھ ساتھ 20 طلبا امتیازی نمبرات یعنی 90 فیصد سے  یا اس سے زائد مارکس کے ساتھ کامیاب ہوئے ہیں، جبکہ 33 طلبا 85 فیصد یا اس سے زائد مارکس کے ساتھ شاندار کامیابی درج کرنے میں کامیاب رہے ہیں۔

اسکول میں شرمدا نے 484 (96.8%) فیصد کے ساتھ پورے اسکول میں ٹاپ کیا ہے، جبکہ اکشیھتا رانی شٹی اور التمش نے 482 (96.4%) کے ساتھ دوسرے نمبر پر ہیں۔ سراجن  ایس نے 477 (95.4%) کےساتھ اسکول میں تیسری پوزیشن میں ہے۔

اسکول کے اس شاندار پرفارمینس پر اسکول انتظامیہ نے تمام طلبا کے ساتھ ساتھ ان کے والدین کو بھی مبارکباد پیش کی ہے ساتھ ساتھ  اسکول  ہیڈماسٹراور دیگر اسٹاف کو مبارکباد پیش کی ہے۔