کیا ریاستوں کیلئے جرمانہ”جاں سے زیادہ“ ہے؟گڈکری گجرات کی طرح کرناٹک میں بھی نئے ٹرافک جرمانوں میں تخفیف کرنے ایڈی یورپا کی محکمہ ٹرانسپورٹ کو ہدایت

Source: S.O. News Service | Published on 12th September 2019, 10:48 AM | ریاستی خبریں | ملکی خبریں |

نئی دہلی،12؍ستمبر(ایس او نیوز؍یواین آئی) ریاستوں میں موٹر گاڑیوں پر جرمانہ کے تعلق سے جاری بحث ومباحثہ کے بیچ ٹرانسپورٹ کے وزیر نتن گڈکری نے آج کہاکہ ریاستیں چاہیں تو جرمانہ پر نظر ثانی کرسکتی ہیں اور انھیں اس کے تعلق سے پریشانی نہیں ہے -گڈکری نے صحافیوں سے بات چیت کرتے ہوئے کہاکہ ریاستیں چاہیں تو جرمانہ میں تبدیلی کرسکتی ہیں لیکن لوگوں کی زندگی محفوظ ہونی چاہئے -ٹریفک جرمانہ کی رقم بڑھانے پر انہوں نے کہاکہ یہ آمدنی بڑھانے کی اسکیم نہیں ہے -انہوں نے سوال کیا کہ آپ ڈیڑھ لاکھ لوگوں کی موت سے تشویش میں مبتلا نہیں ہیں -لوگوں کو قانون کا احترام کرنا چاہئے اور ان میں قانون کا خوف بھی ہونا چاہئے -انہوں نے کہاکہ آمدنی بڑھانا حکومت کا مقصد نہیں ہے -اس کا مقصد سڑک کو محفوظ بناناہے اور حادثات کو کم کرنا ہے -انہوں نے سوال کیاکہ کسی کی زندگی سے جرمانہ اہم ہے؟لوگ ضابطہ نہیں توڑیں گے تو جرمانہ نہیں لگے گا -دریں اثناء اوڈیشہ کے وزیرا علیٰ نوین پٹنائک نے کہاہے کہ ریاست میں نئے جرمانہ کے پروویژن کو نافذ کرنے کے لیے لوگوں کو تین ماہ کی مہلت دی جانی چاہئے -بھارتیہ جنتاپارٹی کی حکمرانی والی ریاست گجرات کے وزیرا علیٰ وجے روپانی نے کہاہے کہ مرکزی ٹریفک جرمانہ کو کم کیاجاناچاہئے اور ریاستی حکومت16ستمبر کو جرمانہ کی نئی شرحوں کا اعلان کرے گی -نئے ٹرافک قوانین اور بھاری جرمانوں سے پریشان عوام کے لئے ریاستی حکومت کی طرف سے ایک راحت بخش اطلاع یہ ملی ہے کہ حکومت کرناٹک نے بھی گجرات کے طرز پر ٹرافک قوانین کی خلاف ورزیوں پر لاگو ہونے والے جرمانوں میں بھاری پیمانے پر کمی لانے کے لئے احکامات جاری کردئیے ہیں - مرکزی حکومت کی طرف سے نئے موٹر وہیکل ایکٹ کے مطابق ٹرافک قوانین کی پامالی پر بھاری جرمانوں کا نفاذ کیا گیا- ملک گیر پیمانے پر یکم ستمبر سے یہ قانون لاگو کیا گیا لیکن ملک کی تمام ریاستوں میں اس قانون کے نفاذ کو شدید عوامی مزاحمت کا سامنا کرنا پڑ رہا ہے- اس صورتحال کو دیکھتے ہوئے مرکزی وزیر برائے بری نقل و حمل نتن گڈکری نے کل یہ اعلان کردیا تھا کہ جرمانے کی شرح متعین کرنے کا اختیار ریاستی حکومتوں پر چھوڑ دیا جائے گا- اس اعلان کے فوراً بعد کل گجرات کے وزیر اعلیٰ وجئے روپانی نے اعلان کردیا تھا کہ ان کی ریاست ٹرافک قوانین کی پامالی پر لگنے والے جرمانے میں 90فیصد کمی لائے گی - کرناٹک میں بھی نئے ٹرافک جرمانوں پر عوام کی شدید مزاحمت کا سامنا کرنا پڑ رہا ہے- اپوزیشن لیڈر سدارمیا کے علاوہ ریاستی وزیر سری راملو اور دیگر رہنماؤں نے بھی مطالبہ کیا تھا کہ ٹرافک جرمانوں پر نظر ثانی کی جائے- آج وزیر اعلیٰ ایڈی یورپا نے اس سلسلہ میں محکمہ ٹرانسپورٹ کے افسروں کو طلب کیا او ر ان کے ساتھ میٹنگ کے دوران ہدایت دی کہ ریاست میں ٹرافک جرمانوں کو کس حد تک گھٹایا جا سکتا ہے اس کا جائزہ لے کر انہیں پانچ دن کے اندر رپورٹ پیش کی جائے- اس میٹنگ کے بعد اخباری نمائندوں سے بات چیت کرتے ہوئے وزیر اعلیٰ نے اعلا ن کیا کہ ریاست میں گجرات کے طرز پر ٹرافک جرمانوں میں کمی لانے کا فیصلہ لیا گیا ہے - اس سلسلے میں انہوں نے ٹرانسپورٹ محکمے کے افسروں کو ہدایت دی ہے کہ اضافی جرمانوں کی وصولی فوراً روک دی جائے- انہوں نے کہا کہ بعض سنگین نوعیت کی خلاف ورزیوں پر نیا افزود جرمانہ برقرار رکھا جائے گا البتہ معمولی قسم کی خلاف ورزیوں پر لگنے والے بھاری جرمانے کو گھٹانے کا فیصلہ لیا گیا ہے-وزیر اعلیٰ نے کہا کہ انہوں نے افسروں کو ہدایت دی ہے کہ ٹرافک جرمانوں کے اطلاق کے لئے گجرات ماڈل کاجائزہ لے کرریاست میں بھی وہی لاگو کردیا جائے- نائب وزیر اعلیٰ اور وزیر ٹرانسپورٹ لکشمن ساودی نے بھی اس بات کی تصدیق کی کہ وزیر اعلیٰ نے یہ حکم صادر کیا ہے کہ ریاست میں نئے ٹرافک جرمانوں کو واپس لیا جائے -انہوں نے کہا کہ محکمہ ٹرانسپورٹ کے افسروں کے ساتھ میٹنگ کے دوران وزیر اعلیٰ نے یہ ہدایت جاری کی ہے کہ ریاست میں نئے ٹرافک جرمانوں کی وصولی روک دی جائے اور گجرات حکومت نے جو طریقہ اپنایا ہے اس کا جائزہ لے کر کرناٹک میں بھی اسے لاگو کیا جائے-

ایک نظر اس پر بھی

منگلورو ہوائی اڈے پر رکھے گئے بم معاملہ میں کنڑا میڈیا کی رپورٹنگ میں دھماکہ خیز تبدیلی؛ غیر مسلم کا نام سامنے آتے ہی دہشت گرد ذہنی مریض بن گیا

منگلورو ہوائی اڈے پر پیر کو ایک دھماکہ خیز بیاگ پائی گئی تھی۔ بیاگ کے پتہ ہوتے ہی کنڑا میڈیا اور ٹی وی چینلس ہرمنٹ پر رنگین  بریکنگ نیوز دے رہے تھے۔ٹی وی چینلس دھماکہ خیز اشیاء کو بہت بھاری وزنی ، خطرناک بم  بتا رہے تھے۔

کیامنگلورو ائیر پورٹ پر بم رکھنے والے آدتیہ راؤ کو بچانے کی کوشش ہورہی ہے؟ گرفتاری کے بعد وزیر داخلہ بسواراج بومئی نے مشتبہ دہشت گرد کو ذہنی معذور قرار دیا 

منگلورو انٹر نیشنل ائیر پورٹ پر بم رکھ کر فرار ہونے والے ملزمین آدتیہ راؤ کی خود سپردگی کے ساتھ ہی جہاں اس ائیر پورٹ پر مشتبہ بم رکھے جانے کے معاملے کو سلجھا لیا۔

کمٹہ میں ریوینیو منسٹر آر اشوک کے ہاتھوں رکھاگیا مِنی ودھان سودھا کا سنگ بنیاد۔ طلبہ کودیا حکومت کی طرف سے لیپ ٹاپ کا تحفہ

محکمہ ریوینیو کے وزیر آر اشوک کے ہاتھوں کمٹہ میں مِنی ودھان سودھا کا سنگ بنیا درکھا گیا۔اس کے علاوہ قدرتی آفات سے متاثرہ افراد کی باز آبادکاری کے ایک مرکز کا بھی افتتاح کیا۔ اس تعلق سے منعقدہ اجلاس سے خطاب کرتے ہوئے انہوں نے کہا سیلاب زدگان کے لئے مکانات کی تعمیر کے مقصدسے فی ...

وقف بورڈ چیر مین کے انتخاب سے عین قبل ریاستی بی جے پی حکومت کی شرارت، راتوں رات ضلع وقف کمیٹیاں برخاست اور نئی کمیٹیوں کی تشکیل

ریاست کی بی جے پی حکومت کی طرف سے وقف بورڈ کو کھوکھلا کرنے اور اس کے امور میں بے جا مداخلت کرتے ہوئے راتوں رات 25ضلعی وقف کمیٹیوں کو برطرف کرنے اور ان کی جگہ نئی کمیٹیاں تشکیل دیتے ہوئے حکم نامہ جاری کرنے کا تنازع سامنے آیا ہے۔

منگلوروایئرپورٹ بم معاملہ: کمارا سوامی اور بی جے پی کے درمیان جاری ہے زبانی بمباری  

ایک طرف منگلورو ایئر پورٹ پر دھماکہ خیز مادہ (آئی ای ڈی) رکھنے والا ملزم آدتیہ راؤنے بنگلورو میں پولیس کے سامنے خودسپردگی کی ہے اور اپنا جرم قبول کرلیا ہے۔ جس کے بعد اسے گرفتار کرکے پوچھ تاچھ کی جارہی ہے۔دوسری طرف اس معاملے پر سابق وزیراعلیٰ وزیراعلیٰ کمارا سوامی اور بی جے پی ...

کیرالہ میں آر ایس ایس کارکن گرفتار، پوچھ تاچھ میں ہوئے حیرت انگیز انکشافات

پڑوسی ریاست کیرالہ  کے کنور میں آر ایس ایس دفتر کے پاس واقع پولس پوسٹ پر بم پھینکے جانے کے الزام میں پولس نے آر ایس ایس کارکن کو گرفتار کرنے کی خبر موصول ہوئی ہے۔ ذرائع سے ملی اطلاع کے مطابق تمل ناڈو کے کوئمبٹور سے آر ایس ایس کا یہ ورکر بدھ کے روز گرفتار ہوا جس کے بعد اس سے سختی کے ...

اندرا جے سنگھ کے بیان پر کنگنا کا نازیبا تبصرہ؛ ایسی خواتین کی کوکھ سے عصمت دری کرنے والے پیدا ہوتے ہیں

نربھیا عصمت دری معاملہ مستقل خبروں میں بنا ہوا ہے اور اب مجرموں کو پھانسی دینے کا معاملہ سرخیوں میں ہے۔ نربھیا کے والدین ذرائع ابلاغ کے لئے سیلیبریٹی سے کم نہیں ہیں اور اسی وجہ سے حال ہی میں دہلی اسمبلی انتخابات میں یہ بات بہت تیزی کے ساتھ پھیلی کہ نربھیا کی والدہ اسمبلی چناؤ ...

راجستھان: کوٹہ میں بھی خواتین نے بنایا ’شاہین باغ‘، احتجاج کا سلسلہ 9 دنوں سے جاری

دہلی کے شاہین باغ سے تحریک لیکر ملک کے مختلف طول و عرض میں شہریت ترمیمی قانون، این آر سی اور این پی آر کے خلاف خواتین کے مظاہروں کا سلسلہ لگاتار جاری ہے۔ ت تکنیکی تعلیمی اداروں کے لیے مشہور راجستھان کے شہر کوٹہ میں بھی خواتین نے ایک ’شاہین باغ‘ قائم کر لیا ہے اور گذشتہ 9 روز سے ...

میری بیٹیوں پر مقدمہ درج ہوا تو امت شاہ پر کیوں نہیں؟ منور رانا

شہریت ترمیمی قانون (سی اے اے) کے خلاف مظاہرے میں شامل ہونے کی پاداش میں اپنی بیٹیوں کے خلاف مقدمہ درج لکھے جانے کے بعد اردو کے نامور شاعر منور رانا نے امت شاہ کی لکھنؤ ریلی پر سوال اٹھایا ہے۔ انہوں نے کہا کہ مرکزی وزیر داخلہ امت شاہ نے جلسہ عام سے خطاب کر کے انتظامیہ کی طرف سے ...

ملک گیر احتجاج: ’شاہین باغ کی دبنگ دادیوں کو گمراہ کر کے ایل جی کے پاس لے جایا گیا‘

قومی شہریت ترمیمی قانون، این آر سی اور این پی آر کے خلاف شاہین باغ مظاہرین انتظامیہ نے واضح کیا ہے کہ احتجاج جاری رہے گا۔ بیان میں کہا گیا ہے کہ دبنگ دادیوں کو گمراہ کر کے لیفٹننٹ گورنر سے ملاقات کرائی گئی تھی اور جو لوگ انہیں وہاں لے کر گئے تھے وہ شاہین باغ خواتین مظاہرین کی ...