این آئی اے قانون کی موجودہ شکل غیرآئینی چھتیس گڑھ حکومت سپریم کورٹ سے رجوع
نئی دہلی،16/جنوری(ایس او نیوز/یواین آئی) چھتیس گڑھ کی بھوپیش بگھیل حکومت نے قومی جانچ ایجنسی (این آئی اے) ایکٹ کی موجودہ شکل کی آئینی قانونی حیثیت کو سپریم کورٹ میں چہارشنبہ کو چیلنج کیا- کانگریس قیادت والی چھتیس گڑھ حکومت نے این آئی اے ایکٹ کو غیر آئینی قرار دینے کا مطالبہ کرتے ہوئے عدالت کا دروازہ کھٹکھٹایا ہے -ریاستی حکومت نے عدالت میں دلیل دی ہے کہ این آئی اے قانون کی موجودہ شکل ریاست سے جانچ کا حق چھین لیتی ہے اور مرکز کو صوابدیدی حق دستیاب کرتی ہے -چھتیس گڑھ حکومت کی جانب سے یہ بھی کہا گیا ہے کہ یہ قانون آئین میں درج ریاست کی خود مختاری کے بھی خلاف ہے -چھتیس گڑھ حکومت کا کہنا ہے کہ اس قانون کی موجودہ شکل سے ریاستی پولیس کو تحقیقات کا ملنے والا آئینی حق متاثر ہوتا ہے -قابل غور ہے کہ2008میں جب این آئی اے قانون بنا تھا اس وقت مرکز میں کانگریس کی قیادت والی حکومت تھی- اس وقت قانون بناتے وقت 26/11کے ممبئی حملہ کو بنیاد بنایا گیا تھا- گزشتہ سال اس میں ترمیم کی گئی ہے-