ساحلی اضلاع کے ڈپٹی کمشنروں کو حکومت کی طرف سے سٹیلائٹ فون : فی کال ایک منٹ پر 140روپئے
کاروار:26؍جنوری (ایس او نیوز) آفاقی حادثات جیسے ایمرجنسی حالات کے دوران فوری طورپر تحفظاتی تدابیر اور اقدام اٹھانے کےلئے ریاست کے دو ساحلی اضلاع کے ڈپٹی کمشنروں کو ریاستی حکومت کی جانب سے سٹیلائٹ فون مہیا کی گئی ہے۔ بتایا جارہا ہے کہ ریاست میں کسی ضلع کے ڈی سی کو پہلی بار سٹیلائٹ فون مہیا کیا گیا ہے۔
اترکنڑا کے ڈپٹی کمشنر ایس ایس نکول اور دکشن کنڑا کے ڈپٹی کمشنر ششی کانت سینتھل کو سٹلائٹ فون دیاگیا ہے۔ اس کے علاوہ بنگلورو کے چیف سکریٹری کے آفیس کو بھی اسی طرح کا ایک سٹلائٹ فون دیا گیا ہے۔ سٹلائٹ کے راست کنکشن سے کام کرنے والے موبائیل فون سے نیٹ ورک نہ ہونے پر بھی رابطہ کیا جاسکتاہے۔
آفاقی حادثات کے دوران موبائیل ٹاور جام ہونے کا خدشہ رہتاہے، اس کے ساتھ ساتھ کچھ مقامات پر نیٹ ورک کا بھی مسئلہ درپیش رہتاہے، ان حالات میں فوری طورپر اعلیٰ افسران سے رابطہ کرنے کے لئے سٹلائٹ فون کا استعمال کیا جائے گا۔
1منٹ کو 140روپئے : بی ایس این ایل سم کارڈ والے سٹلائٹ فون سے کسی کو رابطہ کرتے ہیں تو فی منٹ 140روپئے اداکرنے ہونگے اور کال ریسوؤ کرنےپر 40روپئے کا چارج ہوگا۔ ساحلی پٹی پر واقع اترکنڑا اور دکشن کنڑا اضلاع آفاقی حادثات کے لئے حساس مانے جاتے ہیں ،ایمرجنسی کے دوران رابطہ کرنے کے لئے ریاستی قدرتی حادثات مانیٹرنگ مرکز کی طرف سے یہ فون تقسیم کئے گئےہیں۔