گوکرن: ریاستی حکومت کی جانب سے مندر انتظامیہ نگراں کمیٹی کی تشکیل
کاروار:5؍ مئی (ایس اؤ نیوز)گوکرن کی مہابلیشور مندر انتظامیہ کمیٹی کے لئے ریاستی حکومت نے 8ممبران کو نامزد کرتے ہوئے منگل کو حکم نامہ جاری کیا اور کہا ہے کہ فوری طورپر رام چندر پور مٹھ سے اختیار ات لے لئے جائیں۔
مندر انتظامیہ تنازعہ کو لےکر سپریم کورٹ نے 19اپریل کو عبوری فیصلہ سناتے ہوئے کہاتھا کہ موظف سپریم کورٹ جج بی این شری کرشنا کی قیادت میں نگراں کار کمیٹی کی تشکیل کریں۔ ریاستی حکومت کی طرف سے تشکیل دی گئی کمیٹی میں بی این کرشناصدر ۔ کمٹہ اسسٹنٹ کمشنر سکریٹری۔ اترکنڑا ضلع ڈی سی ، ضلع ایس پی ، دتاتریہ نارائن بھٹ ہیرے گنگے ، مہابل اپادھیا، مرلی دھر پربھو، پرمیشور سبراہمنیا مارکانڈے شامل ہیں۔ مندر کی انتظامیہ ، منقولہ و غیر منقولہ جائیداد فوری طورپر منتقل کرنے کا حکم دیا گیا ہے۔ مندر انتظامیہ کا مسئلہ حل ہونے تک مندر کے سبھی انتظامات کمیٹی کی نگرانی میں انجام دئیے جائیں گے۔