بنگلورو:06؍نومبر(ایس اؤ نیوز)جعلی دستاویزات دے کر بی پی ایل اور انتوئیدیا  کارڈ حاصل کرنےو الوں امیروں کو اپنی غلطی سدھارنے کے لئے محکمہ تغذیہ اور شہری سپلائی نے اور ایک موقع فراہم کرنےکا فیصلہ لیا ہے۔

مرکزی حکومت کے ایل پی جی سبسڈی گئیو اِٹ ایپ کی مانند رضاکارانہ طورپر راشن کارڈ لوٹانے کا موقع دینے پر محکمہ غور کررہا ہے۔ متعلقہ کام انجام دینے کے لئے محکمہ کی جانب سے ایک موبائیل ایپ یا ویب سائٹ پر علاحیدہ ایک لنک تشکیل دینے کی تیاریاں کی جارہی ہیں۔

51037بی پی ایل کارڈ واپس:راشن کارڈ سے آدھارکارڈ لنک کرنے کے بعد ریاست بھر میں 50لاکھ سے زائد جعلی راشن کارڈکا پتہ چلاہے۔ اس کے بعد 6ماہ پہلے قومی غذائی تحفظ قانون (این ایف ایس اے ) اور عدالت عظمیٰ کے حکم پر عمل کرتےہوئے راشن کارڈ سے آدھا رکارڈ لنک کرنے (ای۔کے وائی سی ) کا اصول نافذ کیاگیا ۔ جس میں ابھی تک 40فی صد کارڈ کی تصدیق ہوگئی ہے۔ جعلی دستاویزات دے کر کارڈ حاصل کرنےو الوں سے کہاگیا ہے کہ وہ اپنے متعلقہ تعلقہ جات کے تعلقہ دفتر پہنچ کر اپنا کارڈ واپس کریں، اگر انہوں نے نہیں لوٹایا تو خود حکومت اس کا پتہ لگائے گی۔ راشن لینے والے دن سے ابھی تک کتنے کلو گرام چاول حاصل کئے ہیں اس کا حساب لگا کر فی کلو گرام 35روپئے کے مطابق جرمانہ وصول کرکے کریمنل مقدمہ درج کیا جانے کے متعلق محکمہ تغذیہ کے کمشنر شائمہ اقبال نے اگست میں سرکلر جاری کیا تھا۔ حکم نامے سے خوف کھا کر ابھی تک 51037لوگوں نے اپنے کارڈ واپس کئے جانے کے متعلق محکمہ نے جانکاری دی ہے۔

بی پی ایل کیسے لوٹائیں ؟:بی پی ایل راشن کارڈ واپس دینے کےلئے محکمہ تغذیہ نے دو حق انتخاب (آپشن) دئیے ہیں۔ محکمہ کے ویب سائٹ میں ایک الگ سے لنک کی تشکیل کرنا پہلا انتخاب ہے۔ جس کے تحت بی پی ایل کارڈوالے اپنے آدھارکارڈ نمبر درج کرتےہوئے لاگن ہونا ہے۔ کارڈ واپس کرنے  کواپنی رضامندی ظاہر کرنے کے لئے اپنا موبائیل نمبر درج کرکے منظوری حاصل کرنی ہوگی۔ اس کے بعد ان کے درج کردہ موبائیل نمبر پر او ٹی پی نمبر کا مسیج آئے گا۔ اس کو درج کرتے ہوئے قبولیت کی سند لینی ہے۔ خود کارڈ والا ہی لاگن ہوا ہے یا کوئی جعلی فرد ہے اس کی جانکاری کےلئے آدھار کارڈ نمبر درج کرنا ہوگا۔ اسی طرح موبائیل میں مرکزی حکومت کے ایل پی جی والے  گئیو اٹ ایپ میں ہی سہولت مہیا کئے جانے کے متعلق غور کیاجارہاہے۔ جس کے لئے الگ سے ایک موبائیل ایپ تشکیل دینا ہے۔ اس کے بعد گوگل پلے اسٹور سے ایپ ڈاؤن لوڈ کرکے اس میں آدھار کارڈ نمبر درج کرتے ہوئے اپنا بی پی ایل کارڈ لوٹا سکتے ہیں۔ این آئی سی سے گفتگو کرنے کے بعد ان دوانتخابات میں سے ایک نمونے کو جاری کئے جانےکے متعلق محکمہ کی طرف سے جانکاری دی گئی ہے۔