ریاستی حکومت عوام پرورمنصوبے جاری کرنے میں ناکام:کانگریس
بنگلورو،8؍اگست(ایس او نیوز)مہا دیو پورہ اسمبلی حلقہ کے منوکولا لو وارڈ کے سابق کانگریس کارپوریٹر ایس،ادے کمار نے الزام لگایا کہ ریاستی حکومت اپنے دوراقتدار کے دوران عوامی مفادات پروگرامس کو جاری کرنے میں نا کام رہی ہے،اور وہ ترقیاتی کاموں پر توجہ دینے کے بجائے 40فیصد کمیشن کے دھندہ کو اپناتے ہو ئے ریاستی خزانہ لوٹ رہی ہے۔
انہوں نے کہا کہ ریاستی وزراء اور بی جے پی کے اراکین اسمبلی عوامی مسائل کو حل کرنے میں پوری طرح نا کام رہے ہیں۔ادے کمار نے اپنے وارڈ میں اپنا کانگریس دفتر کا افتتاح کرنے کے بعد اخباری نمائندوں سے بات کر تے ہو ئے اس بات کی جاکاری دی،انہوں نے کہا کہ بروہت بنگلور مہا نگر پالیکے(بی بی ایم پی) کے موجودہ 198وارڈس میں اضافہ کر تے ہو ئے243کر دی گئی ہے،جس میں مہا دیور پورہ اسمبلی حلقہ میں مو جود8وارڈس کی تعداد کو بڑھا کر13کر دیاگیاہے۔
انہوں نے کہا کہ حکومت کانگریس کارپوریٹرس کی تعداد میں کمی لانے کے مقصد سے وارڈ ریزرویشن کے معا ملہ میں کانگریس کو دھکا پہنچنے کا کام کیاہے،انہوں نے کہا کہ وہ اس ریزرویشن فہرست کو ہرگز قبول نہیں کریں گے بلکہ ازسر نو دوبارہ وارڈس ریزویشن کو جاری کیا جا ئے۔ ادے کمار نے کہا کہ وہ منو کولا لو وراڈ سے دو مرتبہ بطور کارپوریٹر منتخب ہو کر عوامی مسائل کو حل کرنے کے لئے اولین ترجیح دی ہے اور وراڈ میں مقیم مکینوں کے لئے درکار بنیادی سہولتیں سمیت ترقیاتی کاموں کو بخوبی انجام دیتے آرہے ہیں۔ انہوں نے کہا کہ حکومت ترقیاتی کاموں پر توجہ مبذول کرنے کے بجائے40فیصد کمیشن پرزیادہ دلچسپی دکھا رہی ہے۔انہوں نے وارڈ کے مکینوں سے گزارش کی کہ وہ اپنے مسائل کے حل کے لئے ان کے دفتر پہنچ کر اپنے مسائل حل کروائیں۔
اس موقع پر انہوں نے اپنے وارڈ کی اشتری شکتی اداروں کی300اور بی بی ایم پی کے150خاتون صفائی کرمچاریوں میں ساڑیاں تقسیم کئے۔اس مو قع پر دیگر اہم شخصیات حاضر رہے۔