ہوناور:17؍اکتوبر(ایس اؤ نیوز)تعلقہ کے کلسن موٹے میں قرض دینےو الوں کے تقاضے اور ہراسانی سے تنگ آکر ندی میں کود کر  خودکشی کے ذریعے ہلاک ہونےو الی آنگن واڑی کارکن نیتراوتی امبیگا کے خاندان والوں  کے ساتھ انصاف کا مطالبہ  لے کر آگن واڑی کارکنان نے ریاستی اسوسی ایشن کی قیادت میں  شہر کے سینٹ تھامس اسکول میدان میں زبردست احتجاج درج کیا۔

اسوسی ایشن کی ریاستی صدر جئے لکشمی آر نے اس موقع پر احتجاجیوں سےخطاب کرتے ہوئے کہاکہ مہلوک  آنگن واڑی کارکن نیتراوتی نے اپنے خاندان کی کفالت کے لئے قرض لیاتھا، محکمہ بروقت تنخواہ دیتاتو نیتراوتی کو قرض لینےکی نوبت ہی نہیں آتی  اور وہ خودکشی نہیں کرتی ، اب حکومت کی ذمہ داری ہے کہ وہ نیتراوتی کے خاندان والوں کےساتھ انصاف کرنےپر زور دیا۔

ضلع صدر انیتا شیٹھ نے نیتراوتی کی خودکشی کو اتنے دن بیت جانےپر بھی کوئی افسر ملاقات نہیں کرنے پر کڑی مذمت کرتےہوئے کہاکہ آج تک ان کے گھر کوئی ایک افسر تک نہیں آیا اور نہ ہی معاوضہ کا اعلان ہواہے، نیتراوتی کی وجہ سے آنگن واڑی کا جو عہدہ خالی ہواہے اس پر مہلوکہ کے بھائی کو تقرر کرنےاور قرض دےکر ہراساں کرنےو الی وملا نائک کو گرفتار کرنے کا مطالبہ کیا۔

تحصیلدار وویک شنئی اور اے ایس پی نکھیل بلاور نے جائے احتجاج پہنچ کر میمورنڈم وصول کیا۔ رکن اسمبلی سنیل نائک نے بھی جائے وقوع پہنچ کر احتجاجیوں کی شکایت سماعت کی اور علاقے میں میٹر بڈی (بھاری شرح سوس) کو مکمل بند کرنے افسران کو ہدایات دیں۔ رکن اسمبلی نے معاوضہ کو لےکر ضلع نگراں کاروزیر سے بات کرنےکا تیقن دیا۔ احتجاج میں دکشن کنڑا ضلع صلاح کار وشالاکشی ، ضلع سکریٹری بھاگیرتھی نائک، نائب صدر ممتا شٹی ، سویتا، تعلقہ صدر جیوتی نائک، سکریٹری گیتا نائک، خازن ساویتری سمیت سیکڑوں آنگن واڑی کارکنان شریک تھے۔