بیدر میں ایس ایس ایل سی نتائج؛ ایک طالبہ کو صد فیصد مارکس
بیدر20؍مئی (ایس او نیوز؍محمدیوسف رحیم بیدری) جمعرات کو ریاست کرناٹک میں دہم جماعت کے نتائج ظاہر کردئے گئے ہیں۔ جس میں ریاست بھر میں 145 طلبہ نے صد فیصد کامیابی درج کی ہے، اس میں بیدر کے ودیابھارتی انگلش میڈیم ہائی اسکول کی طالبہ سشمیتا دامو درگادگے بھی شامل ہے۔ بتاتے چلیں کہ ودیا بھارتی اسکول بھالکی کا ایک غیرامدادی اسکول ہے۔
ںیدر کے 6طلبہ نے 624مارکس کے ساتھ پوری ریاست میں دوسرا رینک اور مزید 6طلبہ نے 623نشانات کے ساتھ تیسرا رینک بھی حاصل کئے ہیں۔ ان 12طلبہ کاتعلق بھی خانگی غیرامدادی اسکولوں سے ہے۔
اسی طرح غیرامدادی اسکول کے16طلبہ نے 622اور سرکاری اسکولوں کے 2طلبہ نے 622نشانات حاصل کئے ہیں۔ 621نمبر لینے والے جملہ 16طلبہ ہیں جن میں 12غیرامدادی اسکول ، ایک امدادی اسکول اور 3سرکاری اسکول سے تعلق رکھتے ہیں۔ اسی طرح 620نشانات لینے والے 7طلبہ میں سے 6غیرامدادی اسکول اور ایک سرکاری اسکول سے تعلق رکھتے ہیں۔
زبان میں صد فیصد نشانات لینے والے طلبہ :۔ ضلع بید رکے 427طلبہ نے فرسٹ لنگویج کنڑا میں 125میں 125نشانات حاصل کئے ہیں۔
انگریزی کے 16طلبہ 125میں 125نمبرات لئے ہیں۔ اسی طرح اردو کے 12طلبہ نے 125میں 125 مارکس حاصل کئے ہیں۔ ہندی ، مراٹھی اور انگریزی کے ایک ایک طالب علم نے بھی صد فیصد نمبرات حاصل کرنے میں کامیاب ہوئے ہیں۔ سکینڈ لنگویج کے حوالے سے نتائج اس طرح ہیں۔ 211طلبہ نے کنڑاسکینڈلنگویج میں 100میں سے 100نمبرات لئے ہیں۔ 13طلبہ نے انگریزی میں 100میں سے 100نشانات حاصل کئے ہیں۔
تھرڈلنگویج ہندی کے لئے 1794طلبہ نے صد فیصد نتائج حاصل کئے ہیں۔ ہندی کے 23طلبہ نے صد فیصد نمبرات لئے ہیں۔ انگلش کے 12اور اردو کے 17طلبہ نے تھرڈ لنگویج میں صد فیصد نشانات حاصل کئے ہیں۔ اسی طرح حساب میں 669، سائنس میں 170اور سماجی سائنس میں 1535طلبہ نے صد فیصد نشانات لے کر اپنابہتر تعلیمی مظاہرہ کیاہے۔
واضح رہے کہ امسال ضلع بیدر سے 29,216طلبہ نے دہم جماعت کاامتحان دیاتھاجس میں سے 23,074کامیاب ہوئے۔ اس طرح بیدر کی کامیابی کی شرح 78.977 فیصد درج کیا گیا ہے۔