ایس ایس ایل سی / پی یو سی امتحانات افواہ پھیلانے والوں پر مجرمانہ مقدمہ؟
بنگلورو11/فروری (ایس او نیوز)آنے والے ایس ایس ایل سی اور پی یو سی سکینڈ ائیر امتحانات کے دوران سوشیل میڈیا کے ذریعے افواہیں پھیلانے والوں کوجیل کا سامنا کرنا پڑ سکتا ہے۔محکمہ ابتدائی و ثانوی تعلیم نے فیصلہ کیا ہے کہ امتحانات کے دوران افواہیں پھیلانے کوبد عنوانی قرار دیا جائے اورایسے لوگوں کے خلاف پولس میں شکایت درج کرا کے انہیں جیل بھیجا جائے۔اگر افواہ پھیلانے والے امتحان دینے والے طلبہ ہوں تو انہیں امتحان لکھنے سے روکا جائے گا اور وہ باہر والے ہوں تو ان کے خلاف ایک کریمنل مقدمہ دائر کیا جائے گا۔محکمہ کے پرنسپل سکریٹری ایس آر اوما شنکر نے کہا کہ”ہم افواہیں پھیلانے کو بد عنوانی قرار دینے والا قرار دیں گے۔ ایس ایس ایل سی اور پی یو سی کے بورڈاس سال کے قوانین میں اس کلاز کو شامل کریں گے اور اسے اپنے ویب سائٹ پر شائع کریں گے۔“
سریش کمار نے نامہ نگاروں سے کہا ہم نے محکمہ پولس کو ہدایت دی ہے کہ وہ یہ یقینی بنائے کہ ٹریژری اور امتحانی مراکز کے اطراف سکیورٹی مضبوط کریں جہاں سوالنامے رکھے جاتے ہیں۔پولیس نے یہ بھی تصدیق کی ہے کہ اضلاع میں ان کے سنٹرس کومتحرک کردیا جائے گا اورتمام مراکز پر نظر رکھی جائے گی۔“انہوں نے کہا ہم نے ایس ایس ایل سی اور پی یو سی امتحانات کے لئے تمام محکموں سے سکیورٹی مانگی ہے۔ امتحانی مراکزمیں کہیں بھی موبائل فونز کا استعمال نہیں ہوگایہاں تک کہ طلباء، اسٹاف اور امتحان میں شامل اعلیٰ سطح کے افسروں کو موبائل استعمال کرنے کی اجازت نہیں ہوگی۔ہم نے عملے کے اراکین کے لئے کرنے والے اور نہ کرنے والے کاموں کی فہرست دی ہے تاکہ وہ امتحانی مراکزکو محفوظ رکھیں۔