منڈیا : سری رنگا پٹن میں ہندو کارکنوں کو ہراساں کرنے کے الزام میں ہندو کارکنان کے احتجاج کے بعد پولس اہلکاروں کے خلاف درج ہوئی ایف آئی آر
منڈیا 12 / دسمبر (ایس او نیوز) 4 دسمبر کو مالا دھاری ہنومان بھکتوں کی ذریعہ سری رنگا پٹن جامع مسجد کے پاس ہنگامہ آرائی اور تناو پیدا کرنے کے دوران پولیس کے ساتھ بدتمیزی کرنے کے الزام میں سوشانت نامی ہندو کارکن پر کیس درج کیا تھا اور اس کے بعد دیر گئے اسے تحویل میں لیا گیا تھا، جس پرہندو جنا جاگرنا ویدیکے کے لیڈران اور کارکنان نے پولیس تھانے کے پاس احتجاجی مظاہرا کرنے کے بعد جامع مسجد کے سامنے دھرنا دیا۔
اس موقع پرسپرنٹنڈنٹ آف پولیس این یتیش نے موقع پر پہنچ کر معاملہ کی مکمل تحقیقات کرنے کے بعد کارروائی کا یقین دلایا تھا مگر احتجاجی مظاہرین نے سوشانت پر قانونی کارروائی کرنے والے پولیس افسران کے خلاف فوراً کارروائی کا مطالبہ کرتے ہوئے دھرنا ختم پر کرنے پر راضی نہیں ہوئے۔ بالآخر سرکل پولیس انسپکٹر اور دیگر 7 پولیس اہلکاروں کے خلاف ایف آئی آر درج کی گئی ہے، جس کے بعد مظاہرین نے دھرنا اور احتجاج ختم کیا۔