بنگلورو، 23 اپریل(ایس او نیوز؍آئی این ایس انڈیا) سری لنکا میں ایسٹر کے دن ہوئے بم دھماکوں میں پانچ جنتا دل سیکولر (جے ڈی ایس) کے کارکنان بھی ہلاک ہو گئے ہیں جو شاگرلا ہوٹل میں ٹھہرے ہوئے تھے، یہ ناشتہ کرنے کے لئے گئے تھے۔ان پانچ لوگوں میں سے ایک شوننا کے رشتہ دار شواکمار نے بتایا کہ بنگلور سے جنتا دل سیکولر کے کارکن چھٹی منانے گئے تھے،وہ صبح آٹھ بجے کے قریب ہوٹل پہنچے،جس وقت وہ ناشتے کی میز پر پہنچے تبھی دھماکہ ہوا اور وہ ہلاک ہو گئے۔بتا دیں کہ شوننا کے ساتھی کیجے ہنمتارایا، ایم رگپا ،کے ایم لکشمی نارائن اور لکشمن گوڑا بھی اس دھماکے میں ہلاک ہو گئے۔دراصل یہ سب جنتا دل سیکولر کے کارکن 18 اپریل کو دوسرے مرحلے کے لئے ہوئے ووٹ کے بعد 20 اپریل کو چھٹی منانے سری لنکا گئے تھے۔آپ کو بتا دیں کہ سری لنکا میں اتوار کو تقریبا 8 جگہوں پر بم دھماکے ہوئے تھے، اس حملے میں مرنے والوں کی تعداد بڑھ کر 290 تک پہنچ گئی ہے ،جبکہ 450 سے زائد افراد زخمی بتائے جا رہے ہیں۔لگاتار ہوئے بم دھماکوں میں مارے گئے 31 غیر ملکی شہریوں میں سب سے زیادہ آٹھ ہندوستانی ہیں۔واقعہ کے بعد ہی پورے ملک میں کرفیو لگا ہوا ہے، وہیں پولیس مسلسل تلاشی مہم چلا رہی ہے،اب تک قریب 24 مشتبہ افراد کو گرفتار بھی کیا جا چکا ہے۔ساتھ ہی بتا دیں کہ سری لنکا میں زخمی لوگوں کی مدد کے لئے قومی ایوی ایشن کمپنی ایئر انڈیا اور انڈگو نے کولمبو کے لئے تمام پروازوں کے لئے سفر ری شیڈولنگ اور کینسل کرنے پر مکمل معافی فراہم کر رہے ہیں۔