بھٹکل 25/اپریل (ایس او نیوز) رمضان المبارک میں جس طرح ہر نیکی پر ستر نیکیوں کا ثواب ملتا ہے اور ایک فرض نماز پر ستر فرض نماز ادا کرنے کا ثواب ملتا ہے، اس کو دیکھتے ہوئے رمضان کے اوقات میں بالخصوص ملک بھر میں چل رہے لاک ڈاون کے چلتے وقت کا صحیح استعمال کرنا بے حد ضروری ہے۔ اسی مناسبت سے  بچوں کو اسلامی تعلیمات سے آگاہ کرنے اور  اُن کے اندر عبادت کےذوق کو بڑھانے کے لئے جامع مسجد بھٹکل کے مدرسہ تعلیم القران نے بھٹکل کے جملہ شبینہ مکاتب کے بچوں کے لئے  موبائل پر آن لائن تربیتی چارٹ کے مقابلے کا انعقاد کیا ہے جس میں شبینہ مکاتب کے  طلبا سے کہا گیا ہے کہ وہ  اپنی روزانہ کی کارکردگی بالخصوص فرض نماز، سنت نماز، تراویح، تہجد،  تلاوت کلام پاک، اذکار، مسنون سورتیں، وغیرہ  کے تعلق سے بذریعہ موبائل ارسال کریں۔

مدرسہ تعلیم القران بھٹکل کے استاذ  نے بتایا کہ  جن بچوں کی کارگردگی سب سے بہتر رہے گی، اُن میں سے ممتاز طلباء کو ہر عشرہ ( دس دن ) کے اعتبار سے خصوصی انعامات سے نوازا جائے گا  اور مزید پورے مہینے کا جائزہ لیکر فائق  طلباء کو بھی انعامات دیئے جائیں گے۔ 

اسی کے ساتھ ساتھ طلباء کی دینی معلومات اور دلچسپی کو بڑھانے کے لئے روزانہ کوئز کے تین سوالات پوچھے جائیں گے اور اس میں بھی الگ سے ہر دس دن کے بعد ممتاز طلبا کے لئے قرعہ اندازہ کے ذریعے انعامات سے نوازا جائے گا۔

مدرسہ تعلیم القرآن جامع مسجد بھٹکل کے سرپرست اور جملہ اساتذہ  نے بچوں کے والدین سے درخواست کی ہے کہ وہ اپنے بچوں کو رمضان کے مبارک ایام میں مدرسہ تعلیم القران کے اس پروگرام میں شریک کروائیں تاکہ وہ اپنے  اوقات کا صحیح استعمال کرسکیں۔
            
انہوں نے بتایا کہ ہر طالب علم کے لئے ضروری ہوگا کہ وہ اپنی دن بھر کی  کارکردگی کی رپورٹ  روزانہ شام   4:30  بجے کے اندر بذریعہ لنک روانہ کریں۔

والدین کی نگرانی میں فارم کو  پر کریں اور امانتداری کا پورا پورا خیال رکھیں۔

جو والدین اپنے بچوں کو اس مقابلے میں شریک کروانا چاہتے ہیں وہ نیچے دی گئی what'sapp گروپ لنک کے ذریعے اس میں  شامل ہوسکتے ہیں۔

https://chat.whatsapp.com/KSQJ4GawvqhI9hFk7WEi0F

اوپر والی لنک بھرجانے کی صورت میں نیچے والی لنک پر بھی کلک کرکے جوائین ہوسکتے ہیں:

https://chat.whatsapp.com/ITbKvj6rwgLCLd5sb7Msjc

اگر کسی کے گھر میں شبینہ مکتب میں پڑھنے والے   ایک سے زیادہ طلباء موجود ہوں تو اسی لنک ( link) کو دوبارہ استعمال کر سکتے ہیں۔

 مزید تفصیلات کے لئے ان نمبرات پر رابطہ کیا جاسکتا ہے۔    
 8867928312
 9742903894 
 9663030496