اڈپی 17/اکتوبر (ایس او نیوز)ریلو ے یاتری سنگھا کے صدر آر ایل ڈایس اور سیکریٹری منجو ناتھ منی پال نے ایک پریس ریلیز کے ذریعے خبر دی ہے کہ اکتوبر 22 سے نومبر کے اختتام تک مقررہ دنوں میں ممبئی باندراسے منگلورو کے لئے ایک خصوصی ریل گاڑی چلے گی جس کا نمبر 82909ہے۔

    یہ ٹرین باندراسے نکل کر وسّئی روڈ سے ہوتے ہوئے منگلورو کے لئے روانہ ہوگی۔ اس سے ماہم، باندرا سانتاکروز، اندھیری، ملاڈ اور وسّئی اور نوی ممبئی کے اطراف بسنے والے ساحلی علاقے کے باشندوں کوبہت زیادہ سہولت ہوگی۔عبوری طور پر ایک تقریباً ایک مہینے تک چلنے والی اس ٹرین میں اگر مسافروں کی تعداد اطمینان بخش رہے گی تو پھر اس ٹرین کو اسی روٹ پر مستقل کردیا جائے گا۔

    پریس ریلیز میں کہا گیا ہے کہ اس روٹ پر ٹرین چلانے کے لئے وزارت ریلوے سے گزشتہ دس سال سے مانگ کی جارہی تھی۔ اب مرکزی وزارت ریلوے نے تجرباتی طور پر ٹرین چلانے کا فیصلہ کیا ہے۔ اسے مستقل طور پر جاری رکھنے کے لئے منگلورو کی طرف آنے والے مسافروں کو اس ٹرین کا زیادہ سے زیادہ استعمال کرنا ہوگا۔