خصوصی عدالت نے راجیو کمار کی پیشگی ضمانت عرضی پر سماعت سے کیا انکار

Source: S.O. News Service | Published on 17th September 2019, 7:51 PM | ملکی خبریں |

کولکاتہ،17/ستمبر(ایس او نیوز/ آئی این ایس انڈیا)  کولکاتہ کی خصوصی عدالت نے منگل کو شہر کے سابق پولیس کمشنر راجیو کمار کی پیشگی ضمانت عرضی پر سماعت سے انکار کر دیا۔ دراصل کمار کو سی بی آئی نے کروڑوں روپے کے ساردا چٹ فنڈ گھوٹالے میں پیش ہونے کے لیے نوٹس دیا ہے، جس کو لے کر کمار نے اپنی پیشگی ضمانت کے لئے باراسات کی ایک خصوصی عدالت کا رخ کیا تھا۔خصوصی عدالت کے جج سنجیب تعلقدار نے کمار کی عرضی پر سماعت سے انکار کر دیا۔انہوں نے کہا کہ پیشگی ضمانت کی درخواست پر سماعت کرنا ان کے دائرہ اختیار میں نہیں آتا ہے۔ممبران پارلیمنٹ اور ممبران اسمبلی کے خلاف فوجداری مقدمات کی سماعت کے انچارج خصوصی عدالت نے کہا کہ یہ ایک زیریں عدالت ہے اور اس کی پیشگی ضمانت کی عرضی پر سماعت کرنے کا حق نہیں ہے۔عدالت نے کہا کہ کمار اپنی درخواست کو لے کر باراسات کے ضلع سیشن عدالت جا سکتے ہیں۔غور طلب ہے کہ 13 ستمبر کو کلکتہ ہائی کورٹ نے کولکاتہ کے سابق پولیس کمشنر کو ساردا چٹ فنڈ گھوٹالہ معاملے میں گرفتاری سے تحفظ کا اپنا عبوری حکم واپس لے لیا تھا۔ ہائی کورٹ نے سی بی آئی کے نوٹس کو منسوخ کرنے سے متعلق کمار کی عرضی کو بھی مسترد کر دیا تھا۔کمار فی الحال مغربی بنگال سی آئی ڈی کے علاوہ ڈائریکٹر جنرل ہیں۔وہ گھوٹالے کی جانچ کے لئے ریاستی حکومت کی طرف سے قائم ایک خصوصی تفتیشی ٹیم میں شامل تھے۔ ہائی کورٹ نے 2014 میں چٹ فنڈ کے دیگر معاملات کے ساتھ اس معاملے کی جانچ سی بی آئی کو سونپی تھی۔

ایک نظر اس پر بھی

ملک میں گزشتہ 24 گھنٹے میں کورونا کے 6387 نئے معاملے، متاثرین کی تعداد 1.50 لاکھ سے متجاوز

ملک میں گزشتہ دو دنوں کے دوران کورونا انفیکشن کے نئے معاملوں میں جزوی کمی آئی اور تقریباً 4000 لوگوں کے صحت مند ہونے سے جہاں تھوڑی راحت ملی ہے، وہیں گزشتہ 24 گھنٹے میں انفیکشن کے 6387 نئے کیس سامنے آنے سے ملک میں اس سے متاثر ہونے والے لوگوں کی تعداد 1.50 لاکھ سے تجاوز کر گئی ہے۔

گجرات کے سورت سے نکلی ٹرین ، بہار کے چھپرا کے بجائے پہنچی کرناٹک کے بنگلورو: مزدورں کا حال بے حال

لاک ڈاؤن کی مدت میں مزدوروں کو ان کے وطن لوٹانے گجرات سے نکلی ایک مزدور ٹرین (شریمک ریل ) بہار پہنچنے کے بجائے کرناٹکا کے بنگلورو پہنچ کر سب کو حیرت میں ڈال دیا ہے۔ گرچہ یہ ایک مذاق لگتا ہے مگر ہے حقیقت۔ اسی طرح اور ایک خصوصی مزدور ریل گجرات کے سورت سے 1200مزدوروں کو لے کر بہار کے ...

تبلیغی جماعت کے 57 غیر ملکی افراد عدالت سے بری، حکومت ہریانہ کو ان کے ملک بھیجنے کا حکم

  ہریانہ کی ایک عدالت نے اہم فیصلہ سناتے ہوئے سبھی چھ ممالک کے 57 غیرملکی جماعتیوں پرغیرملکی قوانین کے تحت عائد تمام دفعات کو بے بنیاد تسلیم کرتے ہو ئے سبھی جماعتیوں کو بری کردیا اورہریانہ حکومت کو حکم دیا کہ جلد سے جلد سبھی جماعت والوں کو ان کے ملک بھیجنے کا انتظام کرے۔ یہ بات ...

مزدور پیدل نہ جائیں، سب کے لئے مفت ریل سفر کے انتظامات: منیش سسودیا

  دہلی کے نائب وزیر اعلی منیش سسودیا نے تارکین وطن مزدوروں سے پیدل سفر نہ کرنے کی اپیل کی ہے۔ انہوں نے کہا ہے کہ دہلی حکومت نے تمام مفت ریل سفروں کا انتظام کیا ہے۔ 7 مئی سے 25 مئی تک ، 2،41،169 افراد کو 196 ٹرینوں کے ذریعے ان کے گھر بھیج دیا گیا ہے۔ بہار میں سب سے زیادہ 1،25،711 افراد ہیں ...

ملک میں پہلی بار 5 ہزار مسلمانوں نے عید کی نماز آن لائن ادا کی

 کورونا وائرس کے سبب جب لوگوں کو مسجد میں جا کر نمازیں پرھنے اورعبادت کرنے پرروک لگی ہوئی ہے اور مسلمان اجتماعی عبادت کے بجائے انفرادی عبادت کرنے پر مجبور ہیں تو ایسی استثنائی صورتحال میں نئی اور جدید ٹیکنالوجی کے استعمال کی ضرورت پر زور دیتے ہوئے