ستیندر جین کو عدالت سے جھٹکا! خصوصی خوراک فراہم کرنے کی عرضی خارج

Source: S.O. News Service | Published on 26th November 2022, 9:22 PM | ملکی خبریں | ان خبروں کو پڑھنا مت بھولئے |

نئی دہلی، 26؍نومبر (ایس او نیوز؍ایجنسی) منی لانڈرنگ کیس میں تہاڑ جیل میں قید دہلی حکومت کے وزیر ستیندر جین کو راؤس ایونیو کورٹ سے بڑا جھٹکا لگا ہے۔ انہوں نے جیل میں اپنے عقیدے کے خصوصی خوراک فراہم کرنے کے لیے عرضی دائر کی تھی جسے خصوصی جج وکاس ڈھال کی عدالت نے ہفتہ کے روز مسترد کر دیا۔

اس معاملے کی سماعت دو بار ملتوی کر دی گئی تھی۔ پچھلی سماعت میں جیل انتظامیہ نے عدالت کو بتایا تھا کہ ستیندر جین نے انہیں یہ نہیں بتایا کہ ان کا ورت (روزہ) ہے، انہیں یہ تحریری طور پر دینا چاہیے تھا۔ جیل انتظامیہ نے عدالت کو یہ بھی بتایا تھا کہ انہوں نے ستیندر جین کو کبھی خصوصی خوراک نہیں دی۔ جین خود کھانا خرید کر کھاتے تھے۔ خصوصی خوراک کے بارے میں جیل انتظامیہ نے کہا تھا کہ قیدیوں کو صرف رمضان اور نو راتری جیسے مذہبی مواقع پر خصوصی خوراک دی جاتی ہے۔ ان میں پھل، غیر اناج خوراک اور سبزیاں شامل ہیں۔

خیال رہے کہ تہاڑ جیل سے ستیندر جین کی ایک ویڈیو وائرل ہوئی ہے جس میں وہ جیل میں خشک میوہ کھاتے ہوئے نظر آ رہے ہیں۔ اب اس پر جیل انتظامیہ نے کہا ہے کہ قیدیوں کو روزمرہ کی خوراک میں خشک میوہ نہیں دیا جاتا۔ تاہم قیدیوں کی صحت کو مدنظر رکھتے ہوئے انہیں غذائی اجزاء دیئے جاتے ہیں۔

ستیندر جین نے عرضی میں کہا تھا کہ انہیں 'جین ڈائیٹ' (مذہبی غذا) کھانے اور جیل کے احاطے میں مندر جانے کی اجازت نہیں دی جا رہی ہے۔ ستیندر جین نے کہا کہ وہ مندر گئے بغیر باقاعدہ کھانا نہیں کھاتے۔ ہر روز پہلے وہ مندر جاتے ہیں، اس کے بعد ہی کچھ کھاتے ہیں۔ جین نے مزید کہا کہ وہ روزے کے دوران پھل اور سلاد کو بطور غذا لیتے ہیں۔ مندر گئے بغیر وہ پکا ہوا کھانا نہیں کھاتے، یہی وجہ ہے کہ وہ جیل میں پکا ہوا کھانا، اناج اور دودھ سے بنی اشیاء نہیں لے پا رہے ہیں۔ نیز پھل اور سلاد نہیں دئے ؛جانے سے انہیں صحت سے متعلق دقتوں کا سامنا ہے اور ان کا وزن تیزی سے کم ہوا ہے۔

ایک نظر اس پر بھی

آر بی آئی نے پھر دیا جھٹکا! ریپو ریٹ میں 0.25 فیصد کا اضافہ، مہنگی ہوگی لون کی ای ایم آئی

  مالی سال 2022-23 کے لیے ریزرو بینک آف انڈیا کی آخری کریڈٹ پالیسی کے فیصلوں کا آج اعلان کیا گیا ہے۔ آر بی آئی کے گورنر شکتی کانت داس نے صبح 10 بجے سے ایم پی سی میٹنگ کے نتائج کے بارے میں جانکاری دی ہے اور اس میں ریپو ریٹ کا اعلان کیا ہے۔

مہاراشٹر کے اورنگ آباد میں آدتیہ ٹھاکرے کے قافلہ پر پتھراؤ، شندے دھڑے پر حملہ کا الزام

مہاراشٹر کے اورنگ آباد کے بیجاپور علاقے میں شیوسینا (یو بی ٹی) کے رہنما آدتیہ ٹھاکرے کے قافلے پر پتھراؤ کیا گیا ہے۔ یہ یہ پتھراؤ شیوسینا کی ’شیو سمواد یاترا‘ کے دوران کیا گیا۔ رپورٹ کے مطابق پارٹی لیڈر آدتیہ ٹھاکرے اور امباداس دانوے کی گاڑی کے سامنے کچھ لوگوں نے ہنگامہ کیا ...

کرناٹک میں بی جے پی حکومت کے دوران ہندوؤں کا سب سے زیادہ قتل ہوا، یہی ان کا اصلی چہرہ ہے: سابق وزیر اعلیٰ سدارامیا

کرناٹک کے سابق وزیر اعلیٰ اور کانگریس لیڈر ایس سدارامیا نے منگل کے روز ریاست میں برسراقتدار بی جے پی پر زوردار حملہ کیا۔ انھوں نے بی جے پی پر الزام عائد کرتے ہوئے کہا کہ ریاست میں بی جے پی حکومت میں سب سے زیادہ ہندوؤں کا قتل کیا گیا۔ انھوں نے کہا کہ ہمارے دور میں نہ صرف ہندو، ...

’یہ آدمی عوام کو صرف ٹوپی پہناتا ہے‘، اڈانی کا نام لیے بغیر مہوا موئترا نے لوک سبھا میں لہرائی ٹوپی

ترنمول کانگریس رکن پارلیمنٹ مہوا موئترا نے منگل کے روز لوک سبھا میں مرکز کی مودی حکومت کو شدید تنقید کا نشانہ بنایا۔ اڈانی کا نام لیے بغیر انھوں نے مرکز پر حملہ کیا اور لوک سبھا میں ٹوپی لہراتے ہوئے کہا کہ ’’یہ آدمی صرف ٹوپی پہنانے کا کام کرتا ہے‘‘۔ موئترا نے کہا کہ ’’یہ ...

مہاراشٹر میں صحافی کی مشتبہ حالت میں موت پر اٹھے سوال، میڈیا گروپس نے جانچ کا کیا مطالبہ

مہاراشٹر میں رتناگری ریفائنری پروجیکٹ پر کئی انکشافات کرنے والے تحقیقاتی رپورٹر ششی کانت واریشے کی ایک سڑک حادثہ میں ہوئی موت پر سوال اٹھنے لگے ہیں۔ ’منترالیہ انی ودھی منڈل وارتاہار سنگھ‘ اور ’ممبئی مراٹھی پترکار سنگھ‘ سمیت کئی میڈیا گروپوں نے حکومت سے واریشے کی موت سے ...

سپریم کورٹ کے پانچ ججوں کی حلف برداری

 چیف جسٹس ڈی وائی چندر چوڑ نے پیر کو سپریم کورٹ کے پانچ ججوں کو عہدے کا حلف دلایا۔ جسٹس چندر چوڑ نے سپریم کورٹ کے آڈیٹوریم میں منعقدہ ایک تقریب میں تین چیف جسٹس اور ہائی کورٹس کے دو ججوں کو عہدے اور رازداری کا حلف دلایا۔

بھٹکل : انجمن بی ایڈکالج کے فورتھ سمسٹر میں سو فیصد نتائج؛ 40 اسٹوڈینٹس نے درج کی امتیازی کامیابی

انجمن حامئی مسلمین بھٹکل کی سرپرستی میں چلنےوالی انجمن کالج آف ایجوکیشن (بی ایڈ کالج ) نے سال 2021-22کے بی ایڈ - 4سمسٹر  میں  100فی صد کے ساتھ  کامیابی درج کی ہے۔  جبکہ 41 میں 40 اسٹوڈینٹس نے امتیازی نمبرات کے ساتھ کامیابی درج کی ہے۔

بھٹکل: بچوں کے کتاب میلہ کا تیسرا دن؛ بچوں اور سرپرستوں کا ہجوم؛ رات میں ہونے والے مقابلوں میں بھی دیکھی جارہی ہے بچوں کی کثیر تعداد

 بھٹکل نوائط کالونی تعلقہ اسٹڈیم میں منعقدہ سات روزہ بچوں کا کتاب میلہ کے تیسرے دن آج اتوار کو بھی بچوں اور سرپرستوں کی بھیڑ دیکھی گئی۔ یہاں چونکہ بچوں کی دلچسپی اور اُن کو راغب کرنے کے لئے کھیلوں کا الگ ہی شعبہ بھی  رکھا گیا ہے اور کم ازکم دوسو روپیوں کی کتابوں کی خریداری ...

تریپورہ کے انتخابی تشدد میں 13 افراد زخمی

 تریپورہ کے کھوائی اور اونا کوٹی اضلاع میں ہفتہ کی شام مخالف فریقوں کے درمیان جھڑپوں میں کم از کم 13 افراد زخمی اور چھ موٹر سائیکل جل کر تباہ ہو گئیں۔ اس کے علاوہ حزب اختلاف کی مارکسی کمیونسٹ پارٹی (سی پی آئی-ایم) کے دو بوتھ آفسوں میں توڑ پھوڑ کی گئی۔

مینگلور کے قریب بیلتنگڈی میں بے قابو آٹو رکشہ ندی میں گر گیا - ایک خاتون فوت - ڈرائیور سمیت دیگر  تین افراد زخمی 

مسافروں کو لے جا رہا آٹو رکشہ بے قابو ہوکر ندی میں گرنے سے صفیہ (57 سال) نامی خاتون فوت ہوگئیں اور مریمّا (23 سال) اور محمد اشرف (35 سال) نامی دیگر 2  مسافروں کے علاوہ آٹو ڈرائیور ابوبکر صدیق (21 سال) زخمی ہوگئے ۔