ایس پی۔بی ایس پی اتحاد سے محتاط رہے عوام: شیوپال
فیروز آباد (اتر پردیش) ،19؍اپریل (ایس او نیوز؍آئی این ایس انڈیا) پرگتی شیل سماج وادی پارٹی لوہیا کے صدر شیو پال سنگھ یادو نے جمعہ کو ایس پی۔بی ایس پی اتحاد پر حملہ بولتے ہوئے عوام کو آگاہ کیا کہ وہ ان سے محتاط رہے کیونکہ یہ لوگ جھوٹ اور افواہ پھیلانے میں مہارت رکھتے ہیں۔شیو پال نے ایک انتخابی جلسے میں کہاکہ ایس پی۔بی ایس پی اتحاد سے محتاط رہنے کی ضرورت ہے کیونکہ یہ لوگ جھوٹ اور افواہ پھیلانے میں مہارت رکھتے ہیں ہے۔یہ اتحاد معاشرے کے کسان، نوجوان، تاجر، خواتین اور اقلیتی سمیت ہر طبقے کو گمراہ کر رہا ہے۔شیو پال فیروز آباد لوک سبھا سیٹ سے الیکشن لڑ رہے ہیں۔انہوں نے کہا کہ اس علاقے کی ترقی ان کی اولین ترجیح ہو گی۔انہوں نے کہا کہ فیروز آباد کے لوگوں کو یہاں کے کانچ صنعت کا تحفظ کرنا ہوگا۔شیو پال نے سماج وادی پارٹی کے رہنما اکشے یادو پر الزام لگایا کہ انہوں نے اس علاقے کے مسائل کو نظر اندازکیا ہے۔انہوں نے فیروز آبادکی ترقی کے لئے کام کرنے کا وعدہ کیا۔