صومالیہ: انتہا پسند تنظیم الشباب کے سابق جنگجو وزیر بن گئے

Source: S.O. News Service | Published on 4th August 2022, 11:17 AM | عالمی خبریں |

موغادیشو،4؍اگست (ایس او نیوز؍ایجنسی) صومالیہ کے وزیر اعظم حمزہ عبدی بری نے بتایا کہ اسلام پسند گروپ الشباب کے سابق ترجمان اور نائب سربراہ مختار روبوو کو مذہبی امور کا وزیر مقرر کیا گیا ہے۔

مئی میں قانون سازوں کی طرف سے حسن شیخ محمد کو صومالیہ کے صدر منتخب کیے جانے کے بعد مختار روبوو کی یہ تقرری عمل میں آئی ہے۔ شیخ محمد نے حال ہی میں الشباب کے ساتھ مذاکرات شرو ع کرنے کی خواہش کا اشارہ کیا تھا اور کہا تھا کہ عسکریت پسندی کو ختم کرنے کے لیے فوجی نقطہ نظر سے الگ ہٹ کر بھی سوچنے کی ضرورت ہے۔

الشباب سے سن 2017 میں الگ ہونے سے پہلے تک مختار روبوو نے اس انتہا پسند تنظیم کے ترجمان اور نائب سربراہ کی ذمہ داریاں نبھائی تھیں۔ الشباب سے الگ ہونے کے بعد انہوں نے کہا تھا، "میں ان کے نقطہ نظر سے متفق نہیں ہوں کیونکہ یہ مذہب اسلام کی تعلیمات کے مطابق نہیں ہیں۔"

امریکہ نے ایک وقت روبوو کی گرفتاری پر 50 لاکھ ڈالر کا انعام مقرر کر رکھا تھا۔ تاہم صومالی حکومت کی درخواست پر اس اعلان کو ختم کر دیا گیا۔ روبوو کو سن 2018 کے اواخر میں اس وقت گرفتار کرلیا گیا تھا جب وہ صومالیہ کے جنوب مغربی صوبے کے صدر کے عہدے کے انتخاب میں حصہ لینے والے تھے۔

سابق صدر محمد عبداللہ محمد عرف 'فرماجو' کے ساتھ ایک تنازعے کی وجہ سے الشباب کے سابق جنگجو روبوو کو گزشتہ چار سال نظر بند کے طور پر گزارنے پڑے۔ فرماجو کی حکومت نے روبوو پر صومالی شہر بائیدوا میں ایک عسکریت پسند تنظیم منظم کرنے کا الزام لگایا تھا۔ ان پر ملک میں عدم استحکام پیدا کرنے کے الزامات بھی عائد کیے گئے تھے۔

وزیر اعظم حمزہ عبدی بری کو اپنی تقرری 25 جون کے بعد سے 30 دنوں کے اندر اپنی کابینہ کے وزراء کا نام پیش کرنا تھا تاہم انہوں نے کہا کہ مئی میں ہونے والے طویل انتخابی عمل کی وجہ سے اس میں تاخیر ہوئی۔

الشباب نے صومالیہ کی مرکزی حکومت کے خلاف پچھلے پندرہ برسوں سے بغاوت چھیڑ رکھی ہے۔ سن 2011 میں اس گروپ کو صومالی دارالحکومت موغادیشو سے باہر کھدیڑ دیا گیا تھا۔

گزشتہ ہفتے ایتھوپیا اور صومالیہ کی سرحد پر تصادم کے دوران الشباب کے درجنوں جنگجوؤں اور ایتھوپیائی سکیورٹی فورسز کے اہلکار ہلاک ہوگئے۔ جنگجووں نے روبوو کے آبائی باکول صوبے کے ایک بڑے علاقے پر قبضہ کر رکھا ہے۔

سمجھا جاتا ہے کہ الشباب کے القاعدہ کے ساتھ تعلقات ہیں۔ امریکہ نے گزشتہ روز القاعدہ کے سربراہ ایمن الظواہری کو ہلاک کردینے کا اعلان کیا تھا۔

ایک نظر اس پر بھی

غزہ پر اسرائیلی جارحیت، 2 دن میں 24 فلسطینی جان بحق

غزہ میں وزارت صحت نےبتایا ہے کہ گذشتہ دو روز کے دوران غزہ کے علاقے پر جاری اسرائیلی فضائی حملوں میں اب تک کم سے کم 24 فلسطینی شہید ہوچکے ہیں۔ شہدا میں چھ بچےاور ایک خاتون بھی شامل ہے۔ دوسری جانب متحدہ عرب امارات، فرانس، چین اور دیگر ممالک نےغزہ میں تازہ پیش رفت پر بحث کے لیے کل ...

غزہ پٹی پر اسرائیل کی وحشیانہ بمباری ، جنگ روکنے مصر کی کوششیں، امریکہ ایک بار پھر اسرائیل کے ساتھ کھڑا ہوگیا

فلسطین کے علاقے غزہ کی پٹی پر اسرائیلی فوج کی حالیہ جارحیت کے بعد مصر کی حکومت جنگ روکنے کیلئے حرکت میں آ گئی ہے۔مصر نے تصدیق کی کہ غزہ کی پٹی پر اسرائیلی بمباری اور فلسطینیوں کی طرف سے راکٹ حملے روکنے کیلئے قاہرہ نے ثالثی کی کوششیں شروع کر دی ہیں۔

افغانستان میں بھوک کا بحران: مغرب بھی جزوی طور پر قصوروار

دس لاکھ سے زائد کم سن بچے ہندو کش کی ریاست افغانستان میں شدید غذائی قلت کا شکار ہیں۔ اس ملک کی نصف آبادی بھوک سے مر رہی ہے۔ طالبان کے خلاف پابندیوں نے افغانستان کو ایک انسانی المیے سے دوچار کر دیا ہے۔ صورتحال اس حد تک سنگین ہو چکی ہے کہ گزشتہ برس کے ڈبلیو ایف پی 'ورلڈ فوڈ ...

پیلوسی’ عالمی امن کی غارت گر‘ ہیں: شمالی کوریا

امریکی کانگریس کی اسپیکر نینسی پیلوسی اس ہفتے کے اوائل میں ایشیا کے اپنے دورے کے دوران جنوبی کوریا کے بعد تائیوان بھی پہنچی تھیں، جس کے بعد چین نے آبنائے تائیوان میں غیر معمولی فوجی مشقیں شروع کر دیں۔ ان میں میزائل حملوں کی تربیت اور جنگی جہازوں سے حملوں کی مشق بھی کی جا رہی ...

عمران خان پاکستان میں 9 پارلیمانی نشستوں پر لڑیں گے ضمنی انتخابات

 پاکستان تحریک انصاف (پی ٹی آئی) کے صدر اور سابق وزیر اعظم عمران خان کے نو پارلیمانی نشستوں پر ضمنی انتخاب لڑنے کا فیصلہ کیا ہے۔ عمران خان کے اس فیصلہ سے قومی خزانے کو کروڑوں روپے کا نقصان ہونے کا خدشہ ظاہر کیا گیا ہے۔

ایلون مسک نے ٹویٹر پر عائد کئے دھوکہ دہی کے الزامات، عدالت میں داخل کیا جواب

  ٹیسلا کے سی ای او ایلون مسک نے ٹویٹر پر دھوکہ دہی کے الزامات عائد کئے ہیں۔ مائیکرو بلاگنگ کمپنی ٹویٹر اور مسک کے درمیان معاہدے پر قانونی تنازعہ کے درمیان ٹیسلا کے سی ای او نے الزامات عائد کئے کہ ٹویٹر نے اپنے کاروبار کے بارے میں انہیں اس وقت گمراہ کن معلومات دی جب انہوں نے 44 ...