سابق مرکزی وزیر خارجہ ایس ایم کرشنا روبہ صحت اسپتال سے ڈسچارج
بنگلورو، 3؍ اکتوبر (ایس او نیوز) سابق مرکزی وزیر خارجہ وسابق ریاستی وزیر اعلیٰ ایس ایم کرشنا روبہ صحت ہوکر گھر روانہ ہوگئے۔ سانس لینے میں تکلیف کی وجہ سے حال ہی میں کرشنا کو شہر کے منی پال اسپتال میں داخل کیا گیا تھا جواب مکمل طورپر روبہ صحت ہوچکے ہیں۔اسپتال ذرائع نے بتایا کہ اب ایس ایم کرشنا کو کوئی طبی مسئلہ نہیں ہے، اس لئے انہیں ڈسچارج کرایا گیا ہے۔ یاد رہے کہ ایس ایم کرشنا سے اسپتال میں ریاستی وزیر اعلیٰ بسواراج بومئی، سابق وزیر اعلیٰ بی ایس ایڈی یورپا سمیت کئی سیاسی رہنماؤں نے ملاقات کرکے عیادت کی تھی۔